Klosi: Kartat e identitetit, fituesi korruptiv
E Premte, 28 Mars 2008
Oli Xhilaga
Kupola roze nuk resht se akuzuari qeverine “Berisha”, sa i takon procesit te prodhimit te kartave te identitetit. Kesisoj, duke mos lene jashte vemendjes se opinionit te gjere, Partia Socialiste dhe gjate dites se djeshme, ka shprehur shqetesimin e saj lidhur me nje proces te tille. Sekretari Organizativ prane kesaj partie, Blendi Klosi, ndalur ne kete ceshtje, vuri ne dukje se “vazhdojme te ringrejme shqetesimin tone permanent per menyren korruptive, me te cilen po perzgjidhet fituesi ne koncesionin me kartat e identitetit dhe pasaportat biometrike”. Sipas tij, ky proces eshte teresisht korruptiv dhe aspak transparent. “Ne prononcimet e dy diteve te fundit, ministri i Brendshem, zyrtari, qe me ligj do te duhet te shprehet i fundit per kete proces, pasi te kete degjuar verejtjet e te gjithe te interesuarve, eshte perpjekur te marr ne mbrojtje nje procedure kryekeput korruptive te Kryeministrit Berisha dhe te administruar nga figura me e perfolur per manipulimet zgjedhore ne Shqiperi, zevendesministri Ferdinand Pone”, akuzoi Klosi gjate komunikimit te tij me mediat.
Deputeti socialist, Klosi, duke vertetuar se strategjia per realizimin e kesaj procedure ka qene teresisht korruptive, beri me dije se “vetem ne harkun kohor te dy viteve, mars 2006, mars 2008 eshte ndryshuar me se tre here koncepti i ngritjes se sistemit te shperndarjes se kartave dhe pasaportave”. Pas zbardhjes se ndryshimeve qe pesoi ky proces pergjate ketyre dy viteve, Klosi vuri ne dukje se “per t’i vene kapakun kesaj perzierjeje korrupsioni, paaftesie dhe makuterie, me 28 janar 2008 ndryshohen mbi 60 per qind te rregullave dhe specifikimeve, duke larguar de fakto te gjitha kompanite e medha boterore, duke reduktuar vetem ne 4 kompani te kualifikuara”. Sipas tij, korruptiv eshte i gjithe ky proces, qe kerkon qe shqiptareve t’u ofroje jo nje sistem te sigurt, te qendrueshem dhe te denje per nje vend anetar te NATO-s dhe aspirues per ne BE.
Njekohesisht, ne gjykimin e socialisteve, korruptive dhe shume e atakueshme rezulton edhe faza e pare e vleresimit te ofertave, ku kompanive te shpallura te kualifikuara e ne vleresim ka mungesa te evidentuara specifikimesh, duke synuar ne krijimin e nje sistemi, qe rrezikon te gjeneroj korrupsion te vazhdueshem.
Ministria e Brendshme: “Sagem” ofroi kushte me te mira
Firma franceze “Sagem Securite”, qe doli fituese ne tenderin e kartave te identitetit dhe te pasaportave biometrike, nuk ka asnje lidhje me skandalin ne Nigeri. Ministria e Brendshme, ka reaguar ne lidhje me akuzat dhe aludimet per kompanine qe mori piket maksimale nga komisioni i vleresimit te ofertave. Sipas tij “Sagem”, ofroi kushte te mira si dhe cmimet me te uleta. Sipas tij, firma franceze ka ofruar shumen e 1167 leke per leternjoftimin, si dhe 5000 leke per pasaportat. Ndersa deklaroi se “Sagem” u rendit e para, pas nje procesi transparent dhe publik, dhe ka marre 93.15 pike.
