Oketa, me 73 vota minister i Mbrojtjes
E Premte, 28 Mars 2008
Gazmend Oketa eshte zyrtarisht ministri i ri i Mbrojtjes. Ish-numri dy i qeverise mori dje votat e Kuvendit per te kryer detyren e ministrit te Mbrojtjes qe do te perfaqesoje Shqiperine ne Samitin e Bukureshtit ne prill, ku pritet dhe ftesa per anetaresimin ne NATO. Oketa u votua dje nga Kuvendi me 73 vota pro dhe asnje kunder. Deputetet e opozites nuk moren pjese ne votimin e dekretit te Presidentit per ministrin e ri, pasi kerkonin qe seanca te vijonte me diskutimet mbi tragjedine e Gerdecit. Ministri Oketa u propozua nga Kryeministri Sali Berisha per te zene postin e Fatmir Mediut, vetem pak dite pasi ky i fundit dha doreheqjen nga posti pas shperthimit te fabrikes se demontimit te armeve ne Gerdec. Propozimi i Berishes, mori menjehere firmen e Presidentit Bamir Topi, i cili e dekretoi ne oret e vona te mbremjes. Te gjithe deputetet e mazhorances votuan pro Oketes qe nga seanca e ardhshme, do te ulet ne vendin e ministrit te Mbrojtjes ne qeveri dhe jo me ne krah te Kryeministrit. Oketa u emerua ne kete post pas largimit te Mediut dhe do te betohet sot ne oret e para te mengjesit ne presidence. Ish-ministri dha doreheqjen si pasoje e shperthimit te depos se demontimit te armeve ne Gerdec dhe u shpreh i gatshem qe te vihet para drejtesisem nese do te jete e nevojshme gjate hetimit te tragjedise. Nderkohe qe kerkoi vijimin e hetimeve dhe nxjerrjen e pergjegjesve te tragjedise para drejtesise. R.R.
