Qeveria: Firmat e ndertimit, urgjent pune me tre turne
E Premte, 28 Mars 2008
Kryeministri Berisha perseriti dje se firmat e ndertimit ne vend duhet te fillonin pa humbur kohe punen me tre turne. Sipas Berishes, grupet e kontrollit duhet te behen gati per te vendosur rregullimin e punes me tre turne dhe kjo tashme ishte e domosdoshme per ecurine e ndertimeve ne vend. Kreu i qeverise kerkoi nga ministri i Transporteve, Sokol Olldashi, qe te mbikeqyre menjehere kete ceshtje, duke marre te gjitha masat qe kompanite te nisnin punen me tre turne. Po keshtu, ne mbledhjen e djeshme te qeverise, Berisha theksoi se per ato firma, te cilat do te kishin efikasitet te larte ne pune, do te shperbleheshin nga qeveria plus punes se tyre. Prej kohesh Kryeministri Berisha ka theksuar rendesine e punes me tre turne nga firmat e ndertimit, kryesisht per ndertimin e rrugeve ne te gjithe vendin. Sipas Berishes, me afrimin e stines se veres puna me tre turne ne stinen e veres eshte me e lehte per firmat e ndertimit, ndaj nuk ka asnje arsye per te mos e perdorur ate. Kryeministri Berisha ka urdheruar edhe dje ministrin e Transporteve, Olldashin, qe mos te humb kohe per implementim e tre turneve te firmat e ndertimit. F.M
