ISHP, studim pjesor per token e Gerdecit
E Premte, 28 Mars 2008
Toka e zones se Gerdecit ka rezultuar me mbetje kimike te zinkut dhe kromit me te larta se nivelet italiane, te cilat jane marre per baze. Por, nga ana tjeter, specialistet e ISHP-se studimin e kryer e kane pjesor per vete faktin se mungojne te dhena mbi merkurin, trinitrotolueni (TNT) apo edhe ceriumi. Sipas specialisteve te mjedisit, keto jane edhe substancat me te rrezikshme qe jane cliruar nga shperthimi i municioneve ne Gerdec. Keto lende kimike mund te jene shkaktare per semundjet kancerogjene, nderkohe qe toka e kesaj zone eshte ranore dhe nuk mund t’i thithe keto lloj substancash. Nderkohe qe studimi, rezultatet e te cilit kane dale vetem dy dite me pare, tregon se ne disa zona ka nje sasi me te larte te zinkut dhe te kromit me lart se normat e Italise, te cilet jane ne perputhje me ato te vendosura nga BE. “Studimi i kryer nga specialistet tane ka treguar se mbetjet kimike ne toke jane brenda parametrave te kerkuara dhe te percaktuara. Pra, kemi sasi te pakta te ketyre lendeve, ndersa interpretimi i te dhenave eshte bere sipas standardeve orientuese italiane qe jane te adoptuara sipas normave te BE-se”, ka pohuar drejtori i ISHP-se, Alban Ylli. Ndersa per sa i perket ndotjes mikrobiologjike nga baktere te ndryshme patogjene ka rezultuar se toka e Gerdecit eshte e paster. “Nga ekzaminimi bakteriologjik i dy mostrave te tokes perkatesisht te familja Veip Aliko dhe shkolla e mesme, Vore nuk u evidentua prania e enteropatogjeneve te rrezikshem si V. cholerae, S.
typhi dhe non-typhoide”, ka pohuar Ylli. Nderkohe qe ende nuk jane kryer analizat e tokes ne zonen ku ndodhi shperthimi apo perreth tij, por vetem ne dalje te fshatit Gerdec.
S.I
