Kosova ne bisedime me institucionet financiare

Qeveria e Kosoves eshte ne fazen e fillimit te bisedimeve per anetaresimin e Kosoves ne institucionet financiare nderkombetare. Ministri i Ekonomise dhe Financave, Ahmet Shala, thote se Kosova eshte ne pritje te njohjes se pavaresise se saj nga me shume vende, me cka do te rritet edhe kuota e votave per anetaresim ne organizatat financiare e monetare nderkombetare. Numri i vendeve qe kane njohur pavaresine e Kosoves po i afrohet te dyzeteve. Sipas ministrit Shala, Kosova ka gjasa te mira qe per nje kohe te shkurter te anetaresohet ne Fondin Monetar Nderkombetar dhe ne Banken Boterore.

"Procedurat e anetaresimit per shembull ne Fondin Monetar Nderkombetar jane qe se pari duhet te arrihet nje kuote e votave te nevojshme, perkatesisht e fuqise se votes".

"Ne FMN keto vota pothuajse jane arritur, edhe pse eshte minimumi i arritur deri tani".

"Me shtimin e numrit te shteteve qe do ta njohin Kosoven si shtet te pavarur shtohet edhe kuota e fuqise se votave ne Fondin Monetar Nderkombetar. Ne shpresojme qe javet e ardhshme, gjasat qe Kosova te pranohet ne keto institucione jane ne rritje e siper", tha ministri Shala. Ai theksoi se me anetaresimin e Kosoves ne Fondin Monetar Nderkombetar dhe Banken Boterore do te hapen rruget per marrjen e kredive dhe zhvillimin ekonomik. "Sigurisht qe anetaresimi ne FMN dhe Banken Boterore nuk do te thote vetvetiu marrje e kredive te buta, ne duhet te jemi vigjilente dhe te pergatitur me gjithe portofolin dhe mundesine e marrjes se kredive, sepse ato nuk jepen nese nuk kemi performanca te sakta konform kerkesave te tyre. Megjithate eshte nje rast i vecante ne historine e Kosoves qe ne te filloje per projektet strategjike te kemi qasje ne institucionet financiare nderkombetare", tha ministri i Ekonomise dhe Financave, Ahmet Shala.

Eksperte te ekonomise i kane sugjeruar qeverise qe sa me shpejte te permbushe kriteret e nevojshme per anetaresim ne institucionet financiare nderkombetare.

Musa Limani. profesor ne Fakultetin Ekonomik te Universitetit te Prishtines. thekson disa nga kriteret qe duhet te plotesohen si parakusht per anetaresimin e Kosoves ne Fondin Monetar Nderkombetar, Banken Boterore dhe organizatat tjera rajonale e nderkombetare.

"Nje prej kritereve kryesore eshte stabilizimi makroekonomik qe nenkupton luften kunder inflacionit, korrupsionit, kontrabandes ekonomike, ekonomise informale ose ilegale". "Te gjitha keto jane ato kushte qe institucionet financiare nderkombetare kerkojne te plotesohen per te qene anetare e tyre, ne menyre qe ato pastaj me potencialin financiar qe kane ta ndihmojne ekonomine e Kosoves", tha profesor Musa Limani.

Nderkaq. Safet Gerxhaliu, nga Oda Ekonomike e Kosoves, thote se pa qasje ne institucionet financiare nderkombetare nuk mund te mendohet zhvillimi ekonomik i nje vendi. Sipas tij, qeveria e Kosoves duhet qe sa me shpejte te perpiloje projektet prioritare per zhvillimin ekonomik me te cilat do te aplikoje per ndihme ne organizatat nderkombetare. "Duhet te kemi nje vizion te qarte te zhvillimit ekonomik te Kosoves, duhet ditur cilat projekte duhet te prezantohen si projekte prioritare karshi ketyre dy institucioneve financiare dhe ne kete drejtim jam skeptik se jemi paksa te ngadalesuar. Duhet kesaj problematike te perpilimit te projekteve te zhvillimit ekonomik t'i qasemi me nje seriozitet me te madh dhe ne qofte se do ta kemi ne nje te ardhme te afert do ta kemi edhe planin nacional te zhvillimit te Kosoves, atehere do te jete shume me lehte te penetrojme ne keto institucione", tha Gerxhaliu.

Sipas eksperteve te ekonomise, zgjidhja e statusit te Kosoves i ka hapur rruge zhvillimit ekonomik te vendit, por ata terheqin vemendjen se problemet ekonomike nuk mund te zgjidhjen brenda nje kohe te shkurter. Kosova eshte vendi me i varfer i rajonit, me shkalle te papunesise qe zyrtarisht sillet ne rreth 40 per qind te popullsise aktive, ndersa jozyrtarisht thuhet se numri i te papuneve eshte me i madh. Ekspertet thone se Kosova ka resurse natyrore dhe fuqi te mjaftueshme punetore, por i mungon baza materiale per te rimekembur ekonomine e saj te lene pas dore dhe te shkaterruar ne vitet '90-te.