Ndertimet ne Farke, Dajt e Kashar ndotin Tiranen
E Enjte, 27 Mars 2008
Pas nderprerjes se lejeve te ndertimit nga Keshilli i Rregullimit te Territorit te Tiranes per afro dy vjet, ndertimet jane perqendruar pikerisht ne rrethinat e kryeqytetit, si vazhde e lejeve te meparshme. Nderprerja e lejeve ka qene nje prej shkaqeve te urbanizimit aq te shpejte te Tiranes, ndersa nje arsye tjeter ka qene edhe terreni i lire per ndertime ne kete zone. Por, ky fluks i madh punimesh eshte shoqeruar edhe me probleme te mjedisit. Kryetari i Agjencise Rajonale te Mjedisit, Ilir Bala, thote se keto zona kane krijuar shume shqetesime per sa i perket ndotjes, erozionit etj. Keshtu, duket se ndertimet, krahas zhvillimit ekonomik, qe mund te sjellin ne kryeqytet, po kthehen ne bumerang per shendetin e njerezve. Ekspertet nuk pretendojne aspak qe te mos behen ndertime, por te pakten firmat e ndertimit te zbatojne kushtet mjedisore.
Ndotesit e tjere
Firmat e ndertimit, nuk jane shkaktaret e vetem te ndotjes qe ka perfshire mbare Tiranen. Ndotesit e tjere me te medhenj kane qene vazhdimisht 3 firmat e kontraktuara nga Bashkia e Tiranes per te pastruar kryeqytetin. Edhe pse ato jane caktuar per te pastruar, kane bere te kunderten, duke i shkaktuar kryeqytetit pafundesisht ndotje. Sipas Bales, makinerite qe kane perdorur tri firmat e pastrimit per heqjen e mbeturinave jane te amortizuara. Keshtu, firmat "Bruci", "EcoAcqua" dhe firma "TT Alb Lam", nuk i kane respektuar vazhdimisht kontratat me Bashkine e Tiranes, duke shkelur lejet mjedisore. Sipas Bales, rruget duhet te lahen dhe jo te fshihen me fshese, sepse vetem sa ngrene pluhur ne ambient. Gjithashtu, vazhdimisht ai ka sugjeruar pastrimin e Tiranes me makineri me te reja, sepse ne ketu kushte ato kryejne funksionin e kundert per te cilin jane caktuar. Nisur nga shkeljet, ARM ka marre nje sere masash ndeshkimore me gjobe. Me 29 janar ajo gjobiti firmen "Alpine" qe po nderton mbikalimin e Kamzes, me 40 mije leke. Me 15 janar, u ndeshkuan firmat e pastrimit me nga 30 mije leke se nuk mbuluan detyrimet kontraktuale me bashkine. Ndersa me 16 qershor 2007 u gjobit Bashkia e Tiranes me 1 milion leke per shkak te ndotjes nga plehrat e Sharres.
