Matura, fillojne vonesat e para

Luljeta Ndoka

Tentativa per te menjanuar vonesat ne procesin e Matures Shteterore, duket se kane deshtuar. Megjithese dje ka qene afati i fundit i shkollave te mesme per te derguar ne Drejtorite Arsimore formularet A1 te plotesuar, bashkengjitur me tabelen e regjistrimit te te dhenave, kjo nuk ka ndodhur. Pjesa derrmuese e shkollave duket se nuk i kane bere ende gati keto dokumente, ndersa nje gje e tille paralajmeron vonesen e pare serioze te krijuar ne procesin e Matures Shteterore. Ne fakt, vonesat ishin te dukshme qe ne shperndarjen e koeficienteve, te cilet sollen mosplotesim te formularit A1 ne kohe. Rregullorja parashikonte plotesimin e ketij formulari deri me 10 mars, ndersa maturantet e plotesuan ate edhe ne ditet ne vazhdim. Pikerisht nje gje e tille solli edhe vonesat ne dorezimin e tyre, gje e cila ende s'ka ndodhur. Burime nga Drejtoria Arsimore e Tiranes thane se presin formularet e plotesuar dhe tabelen e regjistrimeve, ne menyre qe te fillojne direkt hedhjen e te dhenave.

Skadon afati

Nje gje e tille konstatohet me faktin se nuk eshte permbushur nje pike mjaft e rendesishme e rregullores se Matures Shteterore, ne lidhje me formularin A1. Me konkretisht, paragrafi i dyte i nenit 22, percakton tekstualisht: "Formularet e plotesuar dergohen zyrtarisht nga KSHMSH e shkolles, ne KMSH-ne e Drejtorise Arsimore dhe Zyres Arsimore brenda dates 25 mars, se bashku me fotokopjen e tabeles se regjistrimeve dhe me tabelen e plotesuar permbledhese te te dhenave te formulareve". Keshtu pra, del se afati per te kryer veprime te tilla ka skaduar pikerisht dje me 25 mars. Megjithate, faji per kete gje nuk mund t'i vihet Drejtorive Arsimore Rajonale dhe Zyrave Arsimore, por shkollave te mesme. Kjo, sepse dergimi i formulareve dhe te dhenave duhej bere pikerisht nga to. Pak kohe me pare, drejtues te gjimnazeve deklaruan se ishte faji i Ministrise se Arsimit dhe Shkences qe nuk i dergoi ne kohe koeficientet ne shkolla. Ndaj, mos dergimi deri dje i te dhenave neper Drejtori Arsimore, eshte nje problem qe vjen nga vonesat e mbartura.

Pasojat

Sipas rregullores se Matures Shteterore, pasi Drejtorite Arsimore do te kene ne dore formularet dhe tabelen e regjistrimit te te dhenave, do te hartojne mbi kete baze listat e plota me te dhenat e kandidateve, sipas modelit te derguar nga AVA (Agjencia Qendrore e Vleresimit te Arritjeve te Nxenesve. Me pas, Komisionet e Matures Shteterore ne DAR dhe ZA i dergojne keto baza te dhenash zyrtarisht ne AVA, brenda dates 31 mars te ketij viti. Keshtu, 31 marsi mendohet te jete nje tjeter afat qe do te shkelet. Keshtu, baza e te dhenave pritet qe te behet me vone, pra jo brenda afateve qe percakton rregullorja e Matures Shteterore.

Formularet A2

Duke qene se formularet A2 do te jene te personalizuar, pra secila kopje do te kete emrin e secilit maturant qe ka plotesuar formularin A1, duket se edhe pergatitja dhe shperndarja e tyre do te kete vonesa. Sipas rregullores, deri me 1 prill Ministria e Arsimit dhe e Shkences duhet te kete bere gati formularin A2 dhe udhezuesin perkates te tij, megjithate MASH nuk i ka marre masat per kete. Ky dikaster, duke harruar me sa duket se rregullorja e Matures Shteterore percakton daten 1 prill si diten kur te gjithe maturantet duhet te kene ne dore formularin A2. Specialistet e MASH e kane justifikuar nje neglizhence te tille me faktin se gjate vitit te kaluar, ne kete periudhe nuk ishte pergatitur ende formulari A1, e jo me Formulari A2. ende nuk mund te behet fjale qe maturantet ta kene aktualisht ne dore formularin A2, por rregullorja percakton qe ata te jene gati deri ne diten e pare te prillit.

Procedurat, si do vijoje procesi

Brenda 31 marsit,Drejtorite Arsimore Rajonale dhe Zyrat Arsimore duhet te kene mbaruar se pergatituri zyrtarisht listat e plota me te dhenat e kandidateve, sipas modelit te derguar nga AVA. Pra kane ngelur ende edhe 5 dite afat, e megjithate asgje nuk eshte gati. Kesisoj, vonesat jane te pritshme dhe te mbartura. Nje dite me pas, me 1 Prill skadon afati kur specialistet e Ministrise se Arsimit duhet te kete perfunduar se hartuari formulari A2 si dhe udhezuesin perkates, i cili orienton maturantet se si mund ta "prenotojne" degen, fakultetin dhe Universitetin e kerkuar. Deri tani ende nuk dihet se si do te hartohet, megjithate duket se Ministria e Arsimit dhe e Shkences e ka marre me ngadale. Dje me 25 mars ishte afati i fundit i dorezimit te formularit A1 te plotesuar, si dhe tabeles se regjistrimeve me te gjitha te dhenat e maturanteve ne Drejtorite Arsimore dhe Zyrat Arsimore. Nje vonese e tille justifikohet me faktin se procesi i plotesimit te tyre ka nisur vone.