Biznesi rrit interesin per sigurimin e pasurise

Blerina Hoxha

Sigurimi i jetes dhe pasurise po shnderrohet ne nje fenomen qe po zgjerohet gjithnje e me shume si sherbim i kompanive te sigurimeve, te cilat me se shumti deri me tani kane siguruar vetem automjetet. Sigurimi i prones shenoi ne janarin e ketij viti rreth 18 per qind te tregut te sigurimeve, duke thelluar tendencen per te siguruar shendetin dhe pronen. Gjate muajit janar, arketimet ne veprimtarine e "Jetes" kapen shifren 26,674 mije leke, duke shenuar nje rritje ne masen 40,01% krahasuar me muajin janar 2007, ndersa arketimet ne veprimtarine e "Jo-jetes" kapen shifren 453,126 mije leke, duke shenuar nje rritje ne masen 8,52 %. Gjate muajit janar 2008, tregu i sigurimeve shenoi nje rritje ne masen 9,89% ne krahasim me muajin janar 2007. Pasuria, pas makinave, ze peshen kryesore ne te ardhurat qe kane kompanite e sigurimeve. Gjate vitit qe shkoi, tregu ne fjale u rrit 50 per qind kundrejt vitit 2006. Burimet nga Autoriteti i Mbikeqyrjes Financiare--------- Rritja e te ardhurave nga sigurimi i pasurise vjen si pasoje e ndergjegjesimit gjithnje e ne rritje te shqiptareve per te siguruar shtepite dhe biznesin. Kjo per shkak se, jo pak here permbytjet, tensioni i larte dhe zjarret kane demtuar pasurite e paluajtshme te shqiptareve, te cilet kane kuptuar se sigurimi i tyre eshte nje rrugezgjidhje ne rast fatkeqesie. Peshen kryesore ne portofolin e sigurimit te pasurise e ze sigurimi nga zjarri dhe forcat e natyres. Sigurimi i pasurise perfshin sigurimin e shtepive, dyqaneve, magazinave, zyrave apo objekteve te tjera, makinerive, pajisjeve dhe inventarit te tyre ekonomik, si dhe sigurimin e formave te tjera te pasurise nga rreziqet natyrore. Me gjithe perpjekjet per te zgjeruar gamen e sherbimeve ne lemin e sektorit te sigurimeve, ambienti ne pergjithesi eshte ende i painformuar nga perfitimet dhe deri tani eshte i orientuar vetem ne sigurimet e detyrueshme, kryesisht te mjeteve motorike. Por, nje projektligj i ri, qe eshte duke u bere gati nga Autoriteti i Mbikeqyrjes Financiare, do te siguroje me forcen e ligjit, sherbimet e hotelerise, aktivitetin e ndertimit, tregtise e naftes dhe gazit dhe disa lloj profesionesh, jeta e te cileve rriskon me shume. Ne stadin aktual te zhvillimit, tregu i sigurimeve eshte kilometra larg standardeve te vendeve te rajonit dhe larg standardit mesatar te vendeve te Bashkimit Evropian.



Pasuria, ja cfare sigurohet

Sigurimi nga zjarri dhe forcat e natyres

Sigurimi i marines

Sigurimi i avioneve

Sigurimi nga vjedhja

Sigurime inxhinierike

Sigurimi i bujqesise dhe blegtorise

Sigurimi i pergjegjesive civile

Sigurimi i pasurive te tjera