Ikja nga Kuvendi, votohet Brokaj

Dy emrat me te votuar per personazhin e javes ne faqen zyrtare te “Koha Jone” on line, ishin javen qe sapo u mbyll, ish-deputeti Sabit Brokaj dhe presidenti i Kosoves, Fatmir Sejdiu. Ne sondazh klikuan dhe dhane voten afro 1 600 lexues. Nder ta, 39 per qind zgjodhen Sabit Brokajn si personazhin javor. Ai mori kete vleresim menjehere pas terheqjes zyrtare si deputet i Levizjes Socialiste per Integrim ne Kuvend. Brokaj, me profesion mjek, argumentoi se largimi nga karrigia parlamentare vjen si nje zhgenjim i tij ne ate qe e cilesoi paaftesi dhe mosplotesim premtimesh te politikes shqiptare ne teresi ne keto 17 vjet.

Presidenti i Kosoves, u pershendet nga lexuesit per takimin qe ai kreu ne Vatikan me Papa Benediktin e 16-te. Sejdiu mori 35.3 per qind te votave te lexuesve ne www.kohajone.com. Kryetari i Kosoves, ishte ne Vatikan ku ne shenje simbolike i dhuroi Papes bustin e heroit kombetar te shqiptareve, Gjergj Kastrioti Skenderbeu. Nderkohe ai mori dhurate nje stilograf nga Papa. Menjehere pas kesaj, mediat e Prishtines raportuan se me kete stilograf do te shkruhet deklarata e Pavaresise, e pritshme per fundjaven e ardhshme.

Furia e shkarkimeve ne Keshillin e Larte te Drejtesise, solli ne qender te vemendjes javen qe u mbyll, nenkryetarin e institucionit, Kreshnik Spahiu. Ai u rendit i treti ne sondazhin “Personazhi i javes”, duke marre 19.7 per qind te afro 1 600 votave. Spahiu eshte vleresuar nga lexuesit per argumentimin qe i beri vales se largimeve nga gjykatat, te cilat i motivoi si jopolitike por kompetence e KLD dhe ne funksion te reformimit te sistemit te drejtesise.

Me 5.9 per qind te afro 1 600 votave, eshte renditur i katerti ne sondazhin e “Koha Jone” ne faqen e saj on line, trajneri i Dinamos, Agim Canaj. Drejtimi qe ai i beri skuadres, strategjia qe ai perdor ne pergatitjen e ndeshjeve, kane bere qe nje pjese e lexuesve qe klikuan ne sondazh, te votojne trajnerin e bluve te kryeqytetit.