Kosova, vleresohet vizita e Topit
E Hene, 04 Shkurt 2008
Personazhi i javes ne faqen on line te “Koha Jone”, ka nxjerre fitues Presidentin e vendit. Pas tij renditen violinisti i mirenjohur Tedi Papavrami, socialisti Fatmir Xhafa dhe Avokati i Popullit, Ermir Dobjani
Vigjilja e pavaresise u shfrytezua nga Presidenti i Shqiperise per te vizituar tri dite me radhe Kosoven dhe axhenda e atjeshme, u vleresua shume nga pjesa me e madhe e lexuesve on line te “Koha Jone”. Ne sondazhin qe u mbyll dje, nder afro 1600 lexues, 68,2 per qind e tyre ia dhane voten ne rubriken “Personazhi i javes”, Presidentit te Republikes, Bamir Topi. Gjate vizites qe realizoi javen e kaluar, Topi premtoi ne Prishtine dhe vise te tjera kosovare, se do te rikthehej serish ne vendin fqinje, menjehere sapo te shpallej pavaresia.
Nje koncert i suksesshem u cilesua nga kritika, ai i violinistit te mirenjohur, Tedi Papavrami. Nen dirigjimin e artistit te merituar, Ermir Krantja, muzikanti Papavrami shkelqeu ne koncertin e organizuar ne Teatrin Kombetar te Operes dhe Baletit. Papavrami, ne votimet on line per personazhin javor ne www.kohajone.com, ka marre 15,3 per qind te klikimeve perzgjedhese.
Paketa e reformes se drejtesise, e publikuar nga Partia Socialiste gjate javes qe u mbyll dhe e pershendetur nga Kryeministri jo me larg se dje, kishte ne qender gjate prezantimit, ish-ministrin e Drejtesise, Fatmir Xhafa. Ne votimet qe u zhvilluan ne faqen zyrtare te “Koha Jone” ne internet, Xhafa ka marre 11,4 per qind te rreth 1600 votave. E vecanta e paketes qe prezantoi Xhafa ne reformen e sistemit te drejtesise, ishte ndeshkimi i te gjithe atyre prokuroreve me mosangazhim pergjithmone ne administraten shteterore nese evidentohen me shkelje ligjore.
Kritikat qe Avokati i Popullit, Ermir Dobjani, publikoi javen e kaluar ne “Koha Jone”, ishin ne qender te vemendjes mediatike. Madje, ato cuan dhe ne nje mbledhje parlamentare, e cila shqyrtoi masa te posacme per lehtesimin e situates ne burgje. Ne raportin qe Dobjani i dergoi autoriteteve te larta te shtetit, kerkonte qe te merreshin masa te shpejta per gjendjen ne sistemin e riedukimit dhe ne paraburgim, pasi banoret e tyre perballen me veshtiresi te shumta. Ne sondazhin e mbyllur dje, nder 1600 lexues, 5,2 per qind e tyre votuan si personazh te javes, Avokatin e Popullit.
Ed.Ku
