Perplasja per plehrat, Rama del fitues

Debati per mbetjet urbane, qe u ndez se tepermi pas publikimit ne “Koha Jone” te nje serie raportimesh mbi situaten e renduar pas Vitit te Ri, nxjerr fitues ne sondazh kryebashkiakun e Tiranes, Edi Rama. Njekohesisht kryetar i Partise Socialiste dhe kandidat i mundshem per Kryeminister, nese zgjedhjet e ardhshme i fiton e majta, Rama mori vleresimin e 37.8 per qind te 1 670 votuesve qe klikuan deri dje ne mbremje. Pjesemarresit ne sondazhin “Personazhi i javes” ne “Koha Jone” online i dhane vleresimet Edi Rames per akuzat qe ai leshoi ndaj qeverise “Berisha” mbi moslargimin e plehrave nga zonat urbane te Tiranes.

Prej nates se nderrimit te viteve, pjese te rendesishme te kryeqytetit u mbushen me mbetje urbane, te cilat per dite te tera nuk u transportuan per ne pikat e grumbullimit, duke rrezikuar edhe epidemi te mundshme. Bashkia deklaroi se kompanite e grumbullimit te plehrave kishin perfunduar kontratat dhe tenderet e kryer kishin deshtuar, pasi u bllokuan nga institucionet qeveritare. Rama akuzoi qeverine se ka bllokuar tenderin qe do te mundesonte nisjen e punes per pastrimin e Tiranes. Qeveria reagoi ditet e fundit, duke deklaruar se parregullsite ne tendere cuan ne bllokimin e tyre. Gjithsesi, bashkia ne fund te javes qe u mbyll nisi pjeserisht pastrimin e kryeqytetit, ne perpjekje per te reduktuar rrezikun nga qendrimi i mbetjeve urbane ne mjedise te hapura dhe te populluara.

I dyti ne sondazh, por me nje diference shume te vogel votash, u rendit ministri i Brendshem, Bujar Nishani. Ai mori 36.9 per qind te votave. Nishani u vleresua per inspektimin qe beri gjate javes se shkuar ne zonat kryesore te veriut te vendit. Ky inspektim erdhi ne perpjekje per te pare nga afer situaten e krijuar ne veri, pas motit te perkeqesuar qe solli bllokim te rrugeve kryesisht rurale.

Ardhja ne krye te skuadres sone kombetare te futbollit rendit te tretin me 16.9 per qind te votave, trajnerin e ri Ari Han. Pasi mori ne dore frenat e kuqezinjve te futbollit, Han premtoi se do te punoje seriozisht per te rritur cilesine e skuadres shqiptare. Han eshte i katerti trajner i huaj qe drejton Kombetaren Shqiptare vitet e fundit.

Personazhi kulturor i javes ishte Pandi Laco. Regjisori i mirenjohur ka marre 8.3 per qind te votave te 1670 lexuesve online, qe moren pjese ne sondazh. Pandi Laco ka marre pergezime per nisjen se shpejti ne Tv Klan te edicionit te trete te spektaklit te mirenjohur “Kenget e Shekullit”. Kete radhe ideja eshte risi. Ne kete spektakel do te interpretohen kenget me te mira te botes.

Ed.Ku

Edi Rama

Per akuzat ndaj qeverise per plehrat 37.8%

Bujar Nishani

Per kontrollet ne zonat veriore 36.9 %

Ari Han

Per drejtimin e kombetares shqiptare 16.9%

Pandi Laco

Per "Kenget e shekullit" ne bote 8.3%

Pjesemarres ne sondazh: 1 670 lexues