“Turpi i kombetares” nxjerr Berishen fitues

Sondazhi ne www.kohajone.com evidentoi Kryeministrin si me te votuarin nga 2 mije lexues online. Pas tij Presidenti Topi, kengetari Luan Zhegu dhe socialisti Kastriot Islami

Deklaratat e forta te Sali Berishes, Kryeminister i vendit, mbushur me akuza ndaj kombetares sone te futbollit, sollen fluks votash ndaj tij nga pjesemarresit ne sondazhin e “Koha Jone” online. Kryeministri para pak ditesh hodhi akuzen se skuadra jone kombetare ishte implikuar ne shitje te dy ndeshjeve te fundit, te cilat i humbi thelle. Ne kete pike, Berisha vleresoi se “ky ishte nje turp i Kombetares sone” dhe la te kuptoje edhe qe ishte pro shkrirjes me qellim riorganizimin e saj.

Presidenti Bamir Topi ishte para disa ditesh per vizite zyrtare treditore ne kryeqytetin helen, Athine. Atje ai pati takime te shumta me drejtuesit e shtetit grek, si dhe emigrantet tane. Ne lidhje me kete vizite, si dhe kembenguljen e tij tek autoritetet greke per me shume te drejta ndaj shqiptareve ne emigracion, Bamir Topi ka marre vendin e dyte ne sondazh. Rreth 23.5 per qind e dy mije pjesemarresve ne sondazhin e personazhit te javes votuan pikerisht kryetarin e shtetit.

Rikthimi ne skene me kengen e re qe interpretoi ekskluzivisht ne Tv Klan e solli Luan Zhegun ne katershen e personazheve te javes qe sapo u mbyll. Emri tejet i njohur i muzikes sone te lehte, funksionar i Partise Socialiste ne pushtetin vendor, u votua i treti ne sondazhin me dy mije pjesemarres te kesaj jave. Kengetari, qe pritet te dale me album te ri, mori 14.6 per qind te votave. Vleresimi erdhi pasi ai ngjalli emocione te forta ne mbremjen parafinale te “Kengeve te Shekullit”, spektakli i mirenjohur i te shtunave te Tv Klan, qe mbylli suksesshem parmbreme sezonin e tij te dyte.

I katerti u rendit politikani i se majtes, Kastriot Islami. Ish-kryetar i Kuvendit Popullor, deputeti aktual i Partise Socialiste eshte vleresuar nga afro shtate per qind e dy mije lexuesve online per reformen zgjedhore. Kastriot Islami u ndal gjate javen qe shkoi ne argumentin e nxehte te dites, ate te permiresimit te ligjeve qe lidhen me proceset elektorale ne vend. Ed.Ku