“Tom Rixh, konsulenti per tenderin e kartave te identitetit”
E Marte, 13 Nentor 2007
Kryeministri Berisha njoftoi diten e djeshme hapjen e tenderit nderkombetar ne lidhje me kartat e identitetit te shqiptareve. Ne mbledhjen e djeshme te qeverise, Berisha theksoi se ne gazeten ekonomike “Financial Times” dhe ne media te tjera nderkombetare dhe te vendit eshte publikuar dosja e plote per celjen e tenderit per kartat e identitetit. Sipas tij, pas muajit korrik, ky proces do te filloje, duke e cilesuar pajisjen me dokumentin identifikues te shqiptareve te nje rendesie te vecante per vendin. Kreu i ekzekutivit nuk ka munguar ta falenderoje keshilltarin e tij amerikan, Tom Rixh per asistencen qe i ka dhene Shqiperise per kete proces. “Pergatitja e dokumentacionit per tenderin e kartave te identitetit nuk ka qene nje proces i thjeshte, por ky proces i kerkoi qeverise sone te angazhoje nje konsulence te gjere nderkombetare. Nje ndihme shume te vecante dha ne kete proces ish-sekretari per Ceshtjet e Sigurise dhe keshilltari i qeverise shqiptare per keto aspekte, zoti Tom Rixh, me grupin e tij te punes”, deklaroi Berisha. Ai njoftoi se keto dite, prane grupit te punes, qe drejtohet nga zv.kryeministri, do te filloje punen nje nga ekspertet me te shkelqyer ne Evrope, qe ka asistuar mbi 20 qeveri ne dokumente te kesaj natyre. Ne kete kuader, Berisha vleresoi edhe hapjen e procesit per regjistrimin elektronik te te dhenave te qytetareve qe ka nisur me 5 nentor. Sipas tij, brenda muajit shkurt, 700 mije qytetare te rrethit te Tiranes ne regjistrin elektronik.
F.Mejdini
