Pse hetohen zyrtaret dhe privatet

Punonjesit e Drejtorise se Pyjeve, ne vitet 2002-2007, kane lejuar prerje masive te lendes drusore pa lejen e organeve kompetente. Kane lejuar prerjet e drureve ne zonat e mbrojtura dhe te rendesise se vecante. Kane lejuar prerjen e drureve jashte sezonit. Kane lejuar prerjet jashte parcelave. Nje shkelje vecanerisht e rende per keta punonjes konsiderohet fakti se kane lejuar prerjet e drureve te ndaluar me ligj. Demtime shume te renda jane konstatuar ne llojin e quajtur "Ilqe", nje nga druret me te rralle dhe me te cmuar ne Evrope, te cilet gjenden vetem ne Zvicer dhe Kroaci.

Drejtoria e Shfrytezimit te Pyjeve ne Vlore nuk ka caktuar kufijte e parcelave si dhe nuk ka bere skicen e hartes. Gjithashtu, per kufijte jane caktuar permasa jo te llogaritura teknikisht, por me siperfaqe shume te medha. Te gjitha prerjet e kryera gjate vitit 2007 nga ana e shoqerive tregtare, jane pa lejen e organeve kompetente. Te gjitha prerjet jane dru i njome, qe nuk mund te priten. Per vitin 2007 jane prere pa lejen e shfrytezimit nga organet kompetente nje volum prej 8650 m3 lende drusore.

Te dhenat e nxjerra rezulton se nga shoqerite tregtare te shfrytezimit te pyjeve ne vitet 2003-2007 kane prere masivisht lende drusore pa leje shfrytezimi. Ato nepermjet disa furrave te posacme, kaminat e djegies, qe e kthejne drurin ne qymyr, e kane perpunuar e me pas transportuar ate ne shtetin grek dhe ne tregun vendas.

Demi material dhe ekonomik

1- Volumi ne total i lendes drusore te prere ne vitet 2003-2007 eshte 147011 m3 lende drusore.

2- Pa lejen e organeve kompetente jane prere nga shoqerite e shfrytezimit te pyjeve nje sasi prej 123 602 m3 lende drusore.

3- Nuk jane respektuar kontratat e shfrytezimit te pyjeve nga shoqerite tregtare ne lidhje me llojin e lendes drusore qe duhet te pritej, permasat, mosha, lloji i prerjes qe aplikohet.

4- Demi ekonomik i shkaktuar shtetit nga prerjet pa leje te lendes drusore per vitet 2003-2007 llogaritet ne shumen 3613840000 leke, ose afersisht 36 milione dollare amerikane.

Demi mjedisor ne Lumin e Vlores

Sipas eksperteve te angazhuar nga Prokuroria e rrethit te Vlores, demi mjedisor i shkaktuar si pasoje e prerjes se drureve eshte i jashtezakonshem. Eshte zhdukur flora dhe fauna ne zone. Jane krijuar vatra te rrezikshme erozioni qe ndikojne ne prishjen e ambientit rrethues. Shpyllezimi i krijuar nga prerjet masive te drureve shkakton permbytjen e zonave te tera bujqesore, prishjen e regjimit te tokes dhe con ne eliminimin perfundimtar te burimeve te ujit te pijshem. Nga ana tjeter clirimi i gazrave dhe konkretisht i dyoksidit te karbonit, si pasoje e djegies se qymyrit ne kaminat e ngritura per prodhimin e qymyrit te drurit, eshte i rrezikshem per shendetin e njerezve dhe te gjallesave qe jetojne aty. Clirimi masiv i dyoksidit te karbonit prish ekuilibrin e oksigjenit ne natyre, gje qe shkakton intoksikimin e qenieve njerezore dhe sidomos te femijeve.