Perpjekjet per NATO-n, me i votuari Topi
E Hene, 29 Tetor 2007
Presidenti i Republikes, ishte me i votuari i javes qe u mbyll, mes dymije lexuesve qe klikuan ne faqen zyrtare te "Koha Jone" ne internet, mbi axhenden e Brukselit per anetaresim ne NATO
Presidenti i Republikes, Bamir Topi, ishte me i votuari i javes qe u mbyll, mes dymije lexuesve qe klikuan ne faqen zyrtare te "Koha Jone" ne internet. Kryetari i shtetit u vleresua me 53,1 per qind te votave, per perpjekjet e tij ne Bruksel, para pak ditesh, lidhur me deshiren e Shqiperise per anetaresim ne NATO. Vendi yne ka bere nje sere levizjesh dhe realizuar pakete masash per t'iu afruar kritereve qe i hapin rrugen anetaresimit. Ne fakt, te gjitha gjasat jane qe ne samitin e prillit te ardhshem, ne kryeqytetin rumun, Bukuresht, Tirana zyrtare te marre nje ftese per anetaresim ne NATO. Nese kjo ndodh, brenda fundit te vitit 2009, Shqiperia eshte anetare me te drejta te plota ne strukturen me te fuqishme politiko-ushtarake te botes.
Kryetari i Partise Socialiste, Edi Rama, pati gjate javes se shkuar nje axhende te ngjeshur ne rrethe, duke pasur ne qender te vemendjes, gjendjen mjedisore ne vend. Nder afro dymije lexues qe klikuan ne rubriken e perjavshme te sondazhit ne www.kohajone.com, 29,1 per qind e tyre votuan per Edi Ramen, duke e renditur ate te dytin nder kater "rivalet".
Aurela Gace dhe rikthimi i saj ne kryeqytetin shqiptar, ishin gjithashtu ne qender te vemendjes se lexuesve, duke e renditur te treten ne sondazhin on line. Nder dymije vota, Aurela Gace ka marre 12,7 per qind te tyre. Me 5,1 per qind te 2 mije votave, eshte vleresuar prezantuesi i mirenjohur i zones mengjesore televizive, Aldon Lipe. I njohur tashme si drejtues i emisionit te perditshem "Aldo Morning Show" ne televizionin kombetar "Klan", Aldoni ka marre vleresimet e lexuesve per emisionin e munguar prej disa muajsh.
