Krimi, pas gabimi te sherbimit shendetesor

Psikologu i mirenjohur, Edmond Dragoti, ndalet ne ngjarjen e rende, duke treguar dhe si mund te evitohej ajo

Mungesa e sherbimit shendetesor per trajtimin e pacienteve me probleme mendore, ka qene nje nga shkaktaret kryesore, qe solli vrasjen e ndodhur pak dite me pare ne Peshkopi. Ky eshte perfundimi qe kane arritur te nxjerrin psikologet, per sa i perket rastit dhe gjendjes psikologjike te 19-vjecarit, Shpetim Ziza. "Vrasja e 10-vjecarit nga Peshkopia, ka qene nje reagim i paster i nje personi me probleme mendore. Ne keto raste ka shtrirje te neurozes dhe psikozes, dhe ne rastin konkret te vrasjes ka nje crregullim te theksuar te psikozes te personit", eshte shprehur per gazeten, psikologu Edmond Dragoti. Sipas tij, problemet mendore te Shpetim Zizes kane ardhur duke u renduar per vete faktin sepse mungojne kualifikimet e duhura shendetesore. "Kur keta persona kane kontakte te vazhdueshme me individet ne keto kushte nivele te zhvillimit te semundjes, atehere eshte e keshillueshme qe keta persona te izolohen. Kontaktet e tyre me njerezit duhet te jene sa me te pakta, ne menyre qe te mos ndihen te rrezikuar", thekson Dragoti.

Por, shkak nuk ka qene vetem mungesa e trajtimit mjekesor te pacientit. Nje tjeter faktor, qe ka sjelle kete tragjedi, ka qene edhe lenia ne liri te plote te ketij personi, i cili here pas here ka shfaqur probleme per komunitetin. "Kur dihej qe ky person ka pasur precedente te tjere penale, atehere si sherbimi shendetesor, ashtu edhe ai policor duhet te merrnin masat per te mos i dhene liri ketyre personave", pohon Dragoti. Nga ana tjeter, psikologet kundershtojne trajtimin shendetesor te ketyre pacienteve ne komunitet, sepse perseri jane te rrezikshem. "Ndonese shoqeria apo fqinjet jane mesuar me pranine e ketyre personave dhe duke mos pasur deme serioze jane pershtatur. Por, kjo bashkejetese eshte aq e rrezikshme sa mund te sjelle me qindra tragjedi te tilla", ka theksuar psikologu.

Publikimi i rastit ne media, per psikologun Dragoti, ka nje ane pozitive, i ve ne dukje si shendetesise, ashtu edhe policise, gabimin qe kane bere duke lene te lire kete person. "Ajo qe nuk sugjerohet te bej media eshte te mos theksohen elemente inekzistente. Kurse, strukturat pergjegjese te pranojne fajin", thote psikologu Dragoti. S. Isaku