Balle perballe per pergjimet e politikaneve

Nenkryetari i Levizjes Socialiste per Integrim, Sabit Brokaj dhe nenkryetari i Partise Demokrate te Re, Tritan Shehu, shohin ne kendveshtrime te ndryshme debatin e shperthyer per çeshtjen e pergjimit te politikaneve. Per ta, gjithçka duhet bere ne baze te ligjit, ndersa Brokaj shton se po tentohet te penalizohet PDK, per shkak te xhelozive

Sa te ligjshme jane pergjimet ku pjese e nje bisede eshte edhe nje deputet?

Sabit Brokaj – LSI: Problemi nuk eshte se eshte apo nuk eshte deputeti ne bisede. Problemi eshte nese pergjimi ne vetvete per personin “x” edhe pa qene deputet eshte ne perputhje me ligjin apo jo. Pra, a ka nje vendim nga prokurori, apo nuk ka. Ajo qe trajtohet qe te çlirohet nga nje detyrim ligjor pergjimi, natyrisht qe kjo eshte momenti apo kufiri qe ndan mentalitetin policor nga shteti demokratik. Mentalitetin policor tashme qe nga pervoja e vjeter me PD-ne e ka regjimi i PD-se eshte qe ka mundesi te gjithe te vihen ne pergjim, te gjithe t’i shantazhojme, te gjithe t’i çojme te prokurori dhe pastaj te zgjedhim se ke do te penalizojme apo jo. Pak a shume keshtu ishte edhe ai propozimi i lidhur me imunitetin. Pra, ky eshte nje mentalitet policor, mentaliteti i gjithepranuar eshte qe, shtetasi ka sigurine e jetes se tij private dhe kete siguri natyrisht do ta cenonte pergjimi. Ai pergjohet ne momentin qe nga prokurori shikohet se ketu ka nje veper penale, te kundraligjshme dhe natyrisht kjo eshte e domosdoshme per sigurine e vendit, per luften kunder krimit ne gjithfaresh, korrupsionit etj. Po qe ne bashkebisedim, fjala vjen, deputeti aksidentalisht, ne nje fare menyre nga pikepamja teknike s’ke çfare i ben, sepse krijohet bashkebiseduesi i tij dhe vetvetiu dhe ai pergjohet. Ne rastin konkret eshte veshtire te ndash, sepse ai qe do te beje krimin nuk ben monolog, me dike komunikon. Ketu fillon pjesa e dyte e arsyetimit, nese deputeti eshte i perfshire ne ate veper, pra eshte bashkepunetor i atij qe pergjohet, kjo pastaj merr nje ngarkese tjeter ligjore, e cila ne menyre specifike kerkon nje vendim per deputetin. Por, e keqja eshte pikerisht se ketu ka nje mentalitet policor per te pergjuar dhe shantazhuar dhe per te penalizuar cilindo ne konceptin politik, qendrimin.

Tritan Shehu – PDR: Nuk e di se per çfare eshte fjala, sepse realisht une nuk kam asnje te dhene per ndonje hetim, per ndonje pergjim qe mund te jete bere. Keshtu qe, une nuk kam se çfare te shprehem per kete çeshtje.

Une kam lexuar diçka ne nje gazete, por, me te thene te drejten, une nuk kam asnje fakt, asnje prove e te dhene konkrete, qe mund te jene pergjuar deputetet apo njerezit qe kane imunitet. Tjeter gje, nese pergjohet dikush dhe ti flet me ate, pastaj eshte tjeter problem fare. Tjeter gje eshte nese nisesh e pergjohesh ti si deputet, jane dy gjera krejt te veçanta. Nese policia pergjon dike dhe une si deputet flas me ate dhe me degjojne, eshte tjeter problem. Nuk ka lidhje me ate nese une flas niset pergjimi per mua si deputet, apo per nje tjeter si minister. Kjo eshte nje çeshtje per mua qe eshte thene ne nje media, nuk di dhe nuk kam asnje fakt, nuk kam asnje prove e nuk kam nje komunikate zyrtare per kete çeshtje. Keshtu qe, nuk kam se ç’te bej asnje prononcim per kete çeshtje.

Eshte kerkuar nje hetim parlamentar per pergjimet, do t’i bashkoheni nje hetimi te tille dhe çfare rezultate prisni?

Sabit Brokaj – LSI: Se pari, ne do te shikojme lenden konkrete dhe natyrisht po qe se lenda vertet ka te beje me shkelje te ligjit, mund t’i perfshihemi nje komisioni te tille, pasi vete problemi eshte mjaft delikat dhe shume i rendesishem, sidomos per vendet qe kane kete nivel demokracie dhe kete lloj qeverisje siç kemi ne.

Tritan Shehu – PDR: Une nuk e di se per çfare pergjimesh mund te behet hetimi parlamentar, realisht. Mendoj se nuk ka objekt per te bere komisione te tilla parlamentare, sepse realisht deri me sot nuk di konkretisht asnje element te tille dhe fakt te tille qe mund te jene shkelur ligjet ne lidhje me pergjimet. Nese ka diçka te tille, mendoj qe ai qe ka nje problem, qe ngre nje problem te tille, duhet te paraqis dy ose tre prova, dy ose tre argumente, per te vertetuar qe eshte shkelur ligji me pergjimet apo me survejimin e personave qe nuk duhet te pergjohen dhe te survejohen pa pasur autorizime te veçanta. Keshtu qe, ne keto kushte, une nuk e shoh te arsyeshme qe te involvohem ne nje procedure te tille te hetimit parlamentar, e cila per mua ka nje objektiv shume te paqarte dhe jo konkret. Te tilla gjera nuk mund te nisen nga nje gazete qe shkruan diçka, duhet te kete disa gjera me esenciale per te krijuar nje komision parlamentar.

A eshte e udhes qe te behet nje pergjim i tille selektiv, aq me teper per nje parti te koalicionit qeverises?

Sabit Brokaj – LSI: Ketu ju keni parasysh Partine Demokristiane. E trajtuar pergjimi si parti, natyrisht qe ne fjalen e pare une do te thosha se kjo eshte e denueshme. Por, une e gjykoj qe konkretisht pushteti politik i PD-se gjen justifikimin e aty ka nje veper, nese perputhet vepra dhe natyrisht komponentet njerezor te saj, domethene partiak, kesaj nuk ke se çfare t’i besh. Por, ketu ka nje “POR” te madhe. Shqetesimi ketu eshte qe te çon ne pyetjet tuaja aluduese eshte çudi. Po te shikosh se si po trajtohen gjerat, apo, me sa e dime ne, duket qe ketyre te njerezve te PDK-se sa i eshte dhene pushteti, i eshte ngarkuar detyra, i eshte dhene dhe çimka me vete. Pra, si te thuash, ju si shume po na bezdisni, si shume po beni ekspansion, po e perkthej keshtu, ne zonat tona elektorale, po na prishni homogjenitetin tone, fjala vjen, ne zonen e Shkodres. Ne rregull, ju keni deshire dhe lakmi per detyra, ndoshta perpara, u japim keto dhe u japim dhe çimken me vete, e shihemi me pas, pas tre ose gjashte muajsh, siç po ndodh.

Tritan Shehu – PDR: Te thashe nje here tjeter dhe duhet ta perseris prape, nuk duhet te biem pre e asaj qe mund te thuhet ne nje media apo gazete dhe pastaj t’i bejme faktet e kryera. Nuk di te kete prova apo fakte per pergjime te tilla, keto gjera duhen kerkuar, duhet te kerkohen ne takime direkte me zyrtare, mund te kerkohen ne interpelanca, ne parlament, apo ne gjera te ketij lloji. Nuk mendoj dhe besoj se ka pergjime ndaj partive politike, qofshin keto te koalicionit, qofshin keto jo te koalicionit. Tjeter gje pastaj, pergjimet apo ndjekjet qe mund te behen ndaj individeve te veçante, qe jane pjese e forcave politike, ku keta bejne pjese ne veprimtari te paligjshme. Ky eshte nje problem tjeter, nje problem qe i takon organeve te policise, te prokurorise, te bejne veprimet e tyre. Nese dikush ka nje imunitet, atehere pa dyshim duhen bere hapa legale dhe ligjore per te ndjekur apo pergjuar nje njeri qe ka nje imunitet te caktuar dhe çdo gje duhet bere konform ligjit dhe brenda ligjit. Nuk di, realisht nuk shoh dhe nuk kam asnje te dhene qe mund te jene bere pergjime te ndryshme mbi parti politike apo mbi subjekte mbi te cilet kerkohet procedura te veçanta sipas ligjit.

A duhet te ndikoje kjo ngjarje per nje riformatim te mundshem te qeverise apo nje rishikim me kete aleat?

Sabit Brokaj-LSI: Kjo ngjarje natyrisht eshte nje plus ne veprimtarine e kesaj qeverisjeje. Natyrisht qe vetekuptohet nje plus negativ, shume negativ. Por, duke pare kendveshtrimi i vetetrajtimit te derisotshem si korrupsion dhe keqperdorim pushteti, do te thosha eshte nje grimce ne korrupsionin dhe keqqeverisjen e qeverise se Berishes dhe te administrates se Berishes. Tashme skandale madhore si KESH, “Albtelekom”, apo si rruga Durres-Kukes etj., jane aq te medha sa do te rrezonin 20 qeveri radhazi. Eshte tjeter gje qe reagimi nga opozita, reagimi ne teresi eshte kaq i mefshte dhe kaq shqetesues, jo per faktin se duhet goditur nje apo pese qeveritare, por per faktin qe eshte nje shoqeri apo nje politike ne teresi qe i eshte bere “lekura sholle” dhe e ka humbur çdo lloj ndjeshmerie per trauma te tilla, te cilat çrregullojne jeten ekonomike te vendit, por me nje efekt afatgjate. Pasi dihet qe te tilla nivele korrupsioni pasojen e kane afatgjate dhe si veprim, por edhe si efekt ekonomik, ky eshte shqetesimi. Po te shikosh nga ky kendveshtrim, nga pozicioni i njeriut qe ve ne balance korrupsionin e jashtezakonshem deritanishem te njerezve te Partise Demokratike, me korrupsionin realisht afatshkurter deri dikur medioker te PDK-se, qe ketu mund te thuash se qendrimi ka nje profil politik, qendrimi real. Keta ndeshkohen si te thuash me opinionin qe goditet korrupsioni, me efektin tjeter, per te ngacmuar nje parti, qe ka qene ngacmuese ne kerkesa, por edhe ne ekspansionin ne elektoratin e PD-se dhe eshte perdorur nje efekt i trete i saj, mbulues, eklipsues do te thosha une, per korrupsionin e PD-se. Me sakte, e ka ç’fokusuar luften kunder korrupsionit, lidhur me permasen dhe jo se ky nuk eshte nje korrupsion.

Tritan Shehu – PDR: Une mendoj qe duhet te jemi me serioz te gjithe se bashku. Nuk ka pse te krijojme mjegullnaja dhe tymnaja kot. Une besoj se koalicioni eshte solid, koalicioni nuk mund te demtohet dhe nuk mund te prishet nga deklarimet e nje gazete apo ndonje skup mediatik, qe mund te hidhet diku. Mendoj se te tille elemente pa dyshim nuk mund te cenojne koalicionin, pasi nuk ekzistojne elemente substancial per te cenuar koalicionin. Koalicioni eshte nje mekanizem qe po funksionon, i cili ka nevoje padyshim qe te gjeneroje me shume energji, me shume vrull per reformat dhe nuk besoj se koalicioni duhet te humbi energji dhe kohe, duke u marre me te tilla çeshtje, me te tilla gjera qe realisht nuk shoh te kene ndonje baze konkrete, ndonje baze reale.