BSH: 2012, ta ruajme stabilitetin e cmimeve me cdo kusht

Arritja dhe ruajtja e stabilitetit te cmimeve. Ky eshte objektivi kryesor i politikes monetare te Bankes se Shqiperise per kete vit qe sapo ka nisur. I percaktuar ne dokumentin e Politikes Monetare per periudhen 2012-2014 te ketij institucioni, ai parashikon mbajtjen ne nje nivel te qendrueshem te cmimeve te konsumit, duke u paraprire, ne kete menyre, efekteve te krizes financiare. Sic citon dokumenti ne fjale, "arritja dhe ruajtja e stabilitetit te cmimeve" nenkupton arritjen e normave te uleta, por pozitive, te inflacionit dhe ruajtjen e tyre per periudha relativisht te gjata kohe. "Ne terma sasiore, me stabilitet cmimesh, Banka e Shqiperise do te kuptoje mbajtjen e inflacionit te cmimeve te konsumit ne nivelin 3.0%, me nje mundesi luhatjeje prej ± 1 pike perqindjeje rreth kesaj vlere qendrore", pohon ai. Duke shtuar se "qendrueshmeria e cmimeve eshte kontributi me i madh qe banka qendrore mund te jape per te mbeshtetur rritjen afatgjate ekonomike te vendit". Percaktimi i mesiperm sasior i stabilitetit te cmimeve reflekton, ne fakt, edhe nivelin e zhvillimit te ekonomise shqiptare, si nje ekonomi e vogel, e hapur dhe ne zhvillim. "Si e tille, ajo karakterizohet nga luhatje te medha te cmimeve relative, drejt gjetjes se ekuilibrave te qendrueshem strukturore te ekonomise se tregut. Gjithashtu, objektivi sasior prej 3% i inflacionit mbeshtet procesin e integrimit ne Bashkimin Evropian, duke mundesuar nje horizont te arsyeshem kohor per konvergjencen reale dhe nominale te ekonomise shqiptare me te", pohojne me tej ekspertet e bankes qendrore. Duke argumentuar me tej, edhe faktin se nepermjet ruajtjes se inflacionit rreth nivelit 3.0 %, politika monetare do te vazhdoje te jape nje kontribut pozitiv ne zhvillimin e ekonomise shqiptare. "Ky objektiv sasior inflacioni dhe politika monetare e zbatuar per permbushjen e tij, ndikojne pozitivisht ne nivelin dhe ne qendrueshmerine e ritmeve te rritjes ekonomike, ashtu sic edhe eshte provuar gjate viteve te fundit", citon dokumenti i Politikes Monetare per periudhen 2012-2014. Pa harruar se nderkohe qe shumica e vendeve te zhvilluara e perkufizojne stabilitetin e cmimeve si nje nivel inflacioni rreth 2%, objektivi shqiptar i inflacionit prej 3%, reflekton nevojen per nje levizje me te madhe te cmimeve relative. Nder te tjera, Banka e Shqiperise pohon edhe faktin se gjate vitit qe sapo ka nisur, ajo do te synoje edhe trajtimin e problemeve individuale te likuiditetit ne banka te caktuara. Sipas eksperteve te saj, nje gje e tille do te arrihet permes operacioneve mbeshtetese te institucionit qendror bankar ne vendin tone. "Keto operacione synojne lehtesimin e rregullimeve afatgjata strukturore te likuiditetit ne banka individuale, duke zbutur ndikimin e tyre ne treguesit sistemike", citon dokumenti i lartpermendur i BSH-se.