Piket e fituesit te fundit, per cdo dege
E Hene, 04 Prill 2011
Sipas specialisteve, maturantet duhet te studiojne tendencen e pikeve, qe te bejne zgjedhjen e duhur
Tabelat e fituesit te fundit, jane nje e dhene qe do t'i ndihmoje se tepermi kandidatet per ne shkolla te larta, te bejne nje zgjedhje te zgjuar ne Formularin A2. gazeta "Koha Jone" boton tabelen me fituesin e fundit per cdo dege ne procesin e matures Shteterore 2009-2010, ne menyre qe kandidatet e sivjetme ta kene nje ide se ne cilen dege do te kene me shume shanse per te fituar.
Tabela
Maturantet mund ta gjejne vete degen se ku mund te shpallen fitues. Pikerisht per t'u ardhur ne ndihme maturanteve, qe deshirojne te vazhdojne studimet ne Institucionet e Arsimit te Larte Publik, po publikojme piket minimale te fituesve sipas sistemit Merite-Preference te nje viti me pare 2009-2010, te te gjitha degeve te universiteteve publike. Keto te dhena i perkasin fazes se dyte te shperndarjes se kandidateve fitues te MeP 2009 per cdo program studimi ne Institucionet e Arsimit te Larte Publik. Piket me te cilat eshte klasifikuar fitues per secilen nga deget, kandidati i fundit, i perkasin matures 2010 dhe sherbejne per te orientuar maturantet te zgjedhin ne formularin A2, 10 deget e universiteteve qe ata do te preferojne, ne qershor. Kuptohet qe keto rezultate ndryshojne nga viti ne vit ne baze te nivelit te kandidateve per ne universitete, koeficienteve dhe nivelit te testeve, por megjithate sherbejne per te orientuar te rinjte drejt zgjedhjeve ku kane me shume mundesi per te fituar. Ne tabelat ku dallohen piket minimale per secilen dege ne universitete, maturantet, ata te cilet nuk do te arrijne te jene fitues ne fazen e pare te pranimeve, mund te shikojne piket minimale, qe koleget e tyre kane marre vitin e kaluar ne fazen e dyte te pranimeve ne universitete.
Tabela
Ne kolonen e pare jane renditur piket e fituesit te fundit, me presje dhjetore, ne kolonen e dyte dega dhe ne te treten, kodi i secilen prej degeve. Nderkohe qe jane te dukshme universitetet publike, ne te cilat jane deget perkatese. Duke qene se ne momentin qe do te plotesojne formularin A2, maturantet do te kene ne dore tre nota, mesataren e shkolles se mesme, noten e Letersise dhe ate te Matematikes, dhe duke njohur vleresimet e veta (parashikimet per notat qe mund te marrin ne provimet me zgjedhje), maturantet mund te bejne nje vetevleresim dhe ta vendosin ose jo veten ne listen e fituesve. Ne kete menyre, pra njohja e pikeve minimale me te cilen u futen vjet fituesit e fundit, i ndihmon ata te orientohen me mire per te kerkuar programin e studimit qe deshiron te vazhdoje ne Institucionet e Arsimit te Larte Publik. Renditja dhe shpallja e fituesve per programet e studimit, te cilat kishin si kusht edhe konkursin e vecante, si Arkitektura, eshte bere me formule tjeter matematike. Ne keto raste eshte marre parasysh pikezimi ne konkurse, pervec pikeve te marra ne provimet e Matures Shteterore. Vitet e kaluara, piket e fituesit te fundit ne cdo dege, nuk kane qene nje ndihme shume e madhe, per shkak te ndryshimit te niveleve te pikeve te fituesit te fundit, nga viti ne vit, me tendence rritjeje. Megjithate, nga ajo, maturantet mund ta krijojne nje ide te perafert.
L.Ndoka
