Nje spektakel prej 11 puntatash, misioni i te cilit eshte t'i beje te famshem. Te rinj te talentuar, me mundesine e madhe te behen pjese e spektakleve televizive dhe po aq e botes se artit shqiptar. Edhe kesaj here ky eshte qellimi i producentes Zana Cela. Per te katertin vit, "Akademia e Yjeve" eshte ne startin e radhes. Nje mundesi fantastike per te zbuluar talente te reja dhe per t'u dhene shansin per te ecur perpara, e pse jo per t'u bere personazhe te mirenjohur ne boten e televizionit dhe shoe-t shqiptar. Mbremja e te merkures ne televizionin Klan do te jete prova e pare e edicionit te katert te "Akdemise se Yjeve". Ne nje spektakel te drejtuar nga vete Zana Cela, i cili do te zgjase rreth dy ore, do te prezantohen se pari para publikut 23 konkurrente te perzgjedhur nga qytetet te ndryshme te Shqiperise, Kosova e Maqedonia. Sivjet, nxenesit konkurrojne ne kenge, balet dhe si kantautore, kjo e fundit nje disipline e re. Po keshtu, per perzgjedhjen e studenteve te Akademise, jane zhvilluar me shume se dy audicione. I pari startoi ditet e para te shkurtit ne ambientet e Televizionit Klan, ndersa me pas trupa e pedagogeve u zhvendos ne Maqedoni dhe Kosove. Nga audicionet e para u perzgjodhen 40 te rinj, te cilet me pas iu nenshtruan nje audicioni te dyte, per te mbetur ne fund 26 me te miret. Keta kane qene nxenesit e pare te "Akademise se Yjeve", te cilet kane vazhduar mesimin ne shkollen "Faik Konica", mbarevajtja e se cilit eshte ndjekur cdo dite nepermjet emisionit "Akademia", te transmetuar cdo dreke ne ekranin e Klan dhe Tv Norba.

Nderkaq, tre jave pas fillimit te shkolles, 26 me te talentuarit e ketij viti i jane nenshtruar me pas provimit te trete. Ka qene nje dite e mbushur me emocione, ku te gjithe nxenesit kane interpretuar perpara trupes se profesoreve, te perbere nga Sokol Marsi, Enada Hoxha, Gerd Vaso, Kristi Popa e Dritan Bramo, kenget dhe koreografite e pergatitura gjate kesaj kohe. Pas nje dite te ngjeshur, pedagoget te drejtuar nga producentja Cela, kane perzgjedhur 23 studentet qe sot fillojne perballjen e drejteperdrejte ne Klan. Gara e ketyre te rinjeve, tre prej te cileve nga Kosova, nje nga Maqedonia, nje amerikan dhe te tjeret nga qytete te ndryshme te Shqiperise, pritet te jete vertete e forte. Ata duhet te jene kengetare dhe balerine njekohesisht, sepse keto jane kerkesat e ketij formati- te prodhoje artiste qe perballojne sfida dhe debate te forta, performanca te veshtira, madje edhe ne vepra skenike si musical, ku ata do kendojne, aktrojne dhe kercejne njekohesisht. Cdo te merkure ne mbremje, keta te rinj do te konkurojne fort njeri me tjetrin, duke dhuruar ne te njejten kohe nje spektakel te vertete. Sic ka ndodhur cdo here, nxenesit e Akademise se Yjeve jane krejt te ndryshem nga njeri-tjetri. Per dike, kjo Akademi eshte endrra e permbushur e jetes, eshte prova e madhe per te perballur sfidat, per dike eshte dedikim, per nje tjeter defrim, kenaqesi apo investim i madh per te ardhmen. Nga ato investime qe te ndryshojne jeten. Jane po aq te ndryshem edhe ne historite e tyre. Sivjet do te shohim vajza e djem te rinj qe sakrifikojne per te permbushur deshirat, nxenes te shkelqyer qe kerkojne akoma me teper mundesi, djem te talentuar, ende ne hapat e pare. Rrefenja emocionuese, te cilat publiku do t'i ndjeke pergjate neteve te spektaklit. Megjithate te gjithe kane nje te perbashket te madhe: Endrren per te prekur famen.

Sonte ne ekranin e tv Klan do te prezantohen te 23 konkurentet te ndare ne dy skuadra: te Kuqe dhe Blu. Do te interpretojne 12 konkurentet e pare ne 6 sfida: 6 nga skuadra blu dhe 6 nga skuadra e kuqe, respektivisht ne kenge dhe balet. Gara eshte individuale, por njekohesisht dhe mes skuadrave, qe do te thote cdo individ i jep pike skuadres se tij. Ne fund, jane teleshikuesit ata qe do percaktojne fituesit nepermjet mesazheve duke votuar ne Shqiperi, Kosove dhe Maqedoni. Por, nderkohe, gara do te jete e mbushur edhe me detajet interesante te spektaklit. Te mesuar tashme me debate te forta, pjese e rendesishme e formatit, nxenesit do te prezantohen qe ne nisje me skuadrat e tyre. Duket se ndarja ne te kuq e blu, ka perbere nje teme me vete diskutimi, cka vetem sa e ka shtuar dozen e konkurrences. Secili grup ka zgjedhur edhe kryetarin e tij, qe ne bashkepunim me shoket, naten e pare do te prezantojne strategjite me te cilat do te kerkojne fitoren. Pjese e rendesishme gjithashtu do te jene edhe gjykimet e pedagogeve dhe kritikeve, te pranishem ne panel per cdo jave. Perballe tyre, nxenesit do te mbrojne performancat e tyre apo te grupit, gje qe nenkupton diskutime te ndezura, fitimtare dhe "lufte" per te fituar publik. Te gjitha keto, vetem sa i kane ndezur ethet e konkurenteve te ketij edicioni. Pasionet e fshehura jane shtuar tashme. Aq shume sa asgje nuk mund t'i ndale me sfidantet, qe jave pas jave kane arritur te konturojne gjithnje e me mire veten ne ate qe kane dhe ne ate qe dine te percjellin ne skene e permes ekranit televiziv. Ne ambientet e shkolles "Faik Konica", vazhdon te punohet fort dhe te mbyllen detajet e fundit te asaj, qe te neser mbrema pritet te jete nje spektakel i madh. Sepse Akademia e Yjeve ka filluar.