Aksident i rëndë/ Vdes 20-vjeçari shqiptar

Një i ri shqiptar ka humbur tragjikisht jetën mëngjesin e kësaj të mërkure në Lecce të Italisë, në një aksident me makinë.

Bëhet fjalë për një 20-vjeçar, identiteti i të cilit nuk është bërë publik nga mediat fqinje.

Sipas të përditshmes La Repubblica, i riu udhëtonte me një makinë Alfa147 në një rrugë provinciale që lidh Gallipoli me Sannicola, kur humbi kontrollin e mjetit.

Automjeti, në pronësi të të atit, përfundoi jashtë rrugës dhe më pas u përplas me një pemë. Ishin shoferë të rastit që njoftuan ambulancën.

Aksidenti tragjik ndodhi rreth orës 07:00 të mëngjesit. 20-vjeçari mësohet se po shkonte drejt hipermarketit ku punonte.