Starti i çmendur i City-it, shkatërron Chelsea-n për 18 minuta (VIDEO)

Manchester City e ka nisur në mënyrë të frikshme super sfidën ndaj Chelsea-t në Premier League. Skuadra e Pep Guardiolës ka shënuar tre gola në 18 minutat e para në duelin që po luhet në “Etihad Stadium”.

Sterling shënoi golin e parë që në minutën e 6-të, pas një pasimi të Bernardo Silvës. Disa sekonda më pas Aguero humbi një rast me portën e boshatisur, por në minutën e 13-të sulmuesi argjentinas do të korrigjonte shënjestrën duke shënuar një super gol nga distanca.

Ai nuk do të ndalej këtu, pasi në minutën e 18-të, shënoi një tjetër gol pas një përgjumje të mbrojtjes së Bluve ë Londrës. /Koha Jone/