Zëdhënësi Blushi: Presidenti Meta eliminoi një krizë institucionale

Ilir Meta, pasi është konsultuar, menduar dhe rimenduar mirë ka vendosur ta dekretojë kryeministrin Rama edhe si ministër të jashtëm, pas kërkesës së tij për të zënë vendin e ministrit Ditmir Bushati.

Në tekstin e sqarimit të dekretit të Presidentit, zëdhënësi Blushi sqaron se: Në shqyrtimin e këtij propozimi Presidenti i Republikës, në cilësinë e Kreut të Shtetit, ka mbajtur në konsideratë edhe rëndësinë e evitimit të çdo mundësie për krijimin e një krize institucionale, e cila do të dëmtonte pozitën e Republikës së Shqipërisë në marrëdhëniet ndërkombëtare.