Kapen me kokainë, pranga dy shqiptarëve në Itali

Dy shqiptarë kanë përfunduar sot në pranga në Bolzano të Italisë.  Sipas mediave italiane, pas kontrolleve të ushtruara, atyre iu gjetën dhe sekuestruan lëndë narkotike  të llojit kokainë, e cila raportohet mbi 1 kg, raporton ANSA.

Droga u zbulua nga qentë antidrogë të Guardia di Finanza. Gjatë kontrollit të imtësishëm, dy shqiptarëve iu gjetën edhe një sasi eurosh.

Ndërkohë vijojnë hetimet dhe kontrollet për kapjen e personave problematikë në disa zona të Italisë, ndërsa identiteti i dy 24-vjeçarëve shqiptarë nuk bëhet me dije.