E pabesueshme, Burnley fiton 2-1 në Premier League pa bërë asnjë gjuajtje në portë

Ndodh shpesh që të shohim fitore nga më të ndryshimet, por vështirë se mund të keni dëgjuar që të fitosh një ndeshje pa bërë asnjë gjuajtje në portë. Një gjë e tillë ka ndodhur ditën e sotme në Premier League, teksa Burnley fitoi 2-1 ndaj Fulham, me dy gola të shënuar nga këta të fundit në kuadratin e tyre.

Fulham e nisi mjaft mirë ndeshjen duke kaluar në avantazh që në minutën e  dytë me Schurrle, por shokët e tij në mbrojtje nuk ishin aspak në një ditë të mirë. Në minutën e 20-të Bryan dhe 3 minuta më pas Odoi, realizuan në portën e tyre duke i dhënë 3 pikë rivalëve.

Kjo është hera e parë që nga sezoni 2003/04, që një skuadër fiton në Premier League pa bërë asnjë gjuajtje në portë. Me këtë fitore Brunely ngjitet në vendin e 15-të, ndërkohë që Fulham mbetet në të 19-n. /Rozalb Lika-Koha Jone/