Alex Sandro: I lumtur te Juve, por një ditë do të luajë në Premier League

“Një ditë do më pëlqente më Premier League”. Kështu është shprehur Alex Sandro në konferencën për shtyp para miqësores që Brazili do të luajë ndaj Kamerunit të Seedorf. 27-vjeçari ka shfaqur ambicien e tij për ta provuar veten në Angli, përpara fundit të karrierës.

“E mendoj këtë gjë një ditë. Kush e di se çfarë do të ndodhë? Unë kam një dëshirë për të luajtur në Premier League. Sidoqoftë, tani jam shumë i lumtur aty ku jam, te Juventusi, në kampionatin që po luaj. Pra, sot për sot, mendimi im i vetëm është të vazhdoj aty ku jam, sepse në Torino jam ndier i lumtur.

Braziliani ka regjistruar dy asiste në Seria A, deri më tani, këtë sezon, me Juven duke udhëhequr kreun e renditjes.