Pas dopietës me Rangers, Grezda në formacionin e javës në Skoci

Rangers fitoi me shifrat e thella 7-1 ndeshjen ndaj Matherwell-it këtë fundjavë, ku autor i dy golave ishte edhe Eros Grezda. Edhe pse paraqitja e ekipit të Stiven Gerrard ishte e shkëlqyer në përgjithësi, në formacionin e javës në Premier Ligën skoceze, është zgjedhur pikërisht Grezda, si mesfushor i linjës së djathtë.

Shqiptari është zgjedhur edhe më i miri nga 11 lojtarët e këtij formacionit. Grezda, ka marrë edhe lavdërimet e klubit për këtë paraqitje mjaft të mirë, si edhe për faktin që u zgjodh në formacionin e javës.