“20 mln euro për bebet”, Spahiu: Si mund t’i besosh një borxhliu

Deputeti Lëvizjes Socialiste për Integrim, Përparim Spahiu, i është përgjigjur kryeministrit Edi Rama në lidhje me çekun që do të shpërndajë për bebet.

Ai shkruan se nuk mund t’i besohet një personi, i cili ishte i njëjtë edhe me premtimin për statusin e minatorëve, të pohuar nëntë vite më parë, por sot nuk ka asgjë. Sipas tij,  shqiptarët nuk mund të besojnë një person, i cili ende nuk ka larë borxhet dhe del e iu shitet qytetarëve si dhurues.

“Propagandë, vetëm propagandë.KM-ja sot na njohu dhe me kostot që do ketë çeku i bebes, 20 milion euro në vit, nderkohë që vazhdon historinë e mashtrimit me minatorët për Statusin, borxh i një marëveshje nëshkruar me ta që në vitin 2009. Si mund ti besohet një njeriu që nuk paguan borxhet ndërkohë shitet si dhurues?! Si mundet që një minator ta stimulosh të ketë fëmijë, binjakë a trenjakë, ndërkohë që me punën e rrëndë që bën nuk ka asnjë siguri për shëndetin dhe jetën e mund ti lejë çdo moment fëmijët e tij jetimë pa asnjë të ardhur?!!!

Si mundet të stimulosh lindjet ndërkohë që rinia sheh të ardhme të zymtë dhe mendon vetëm emigrimin?! Si mundet të stimulosh lindjet kur në shkolla paraqiten 140,000 nxënës më pak?! Un shpresoj fort që më 1 Prill nuk do të jesh më KM, urim që besoj fort e bëjnë shumë dhe nga ata që ju premtove rritje page sot..!!!”, shkruan deputeti në “Facebook”