Tesla ndryshon “menunë” – Heq disa nga opsionet e ngjyrave për makina, për të thjeshtuar prodhimin

Tesla do të eliminojë disa nga opsionet e saj për ngjyra të makinave elektrike për të përmirësuar prodhimin. Deklarata ka ardhur nga kreu ekzekutiv, Elon Musk, sipas të cilit kompania po intensifikon përpjekjet e saj për rritjen e prodhimit.

Tesla aktualisht ofron shtatë ngjyra për automjetet e saj, që përfshijnë modelin më të lartë Modeli S, modelin e mesëm modelin X dhe modelin më të leverdisshëm të modelit 3.

Kështu, janë hequr 2 nga 7 ngjyrat e menusë së Teslas të mërkurën për të lehtësuar prodhimin. Obsidian Black & Metallic Silver do të vazhdojë të jetë në dispozicion si kërkesë e veçantë, por me çmim më të lartë.

Opsionet e ngjyrave që do të jenë akoma të disponueshme janë: e zeza e ngurtë, argjendi metalik, blu e thellë metalike, e bardhë dhe ngjyra e kuqe.

“Ne herë pas here përshtatim çmimet dhe opsionet në dispozicion për të reflektuar më mirë vlerën e produkteve tona dhe për të përmirësuar operacionet tona të prodhimit”, deklaroi zëdhënësi i Tesla.