SKANDALI/ Shqiptari detyron gruan të bëjë seks para djalit 4 vjeç

Një grua shqiptare, 24 vjeç, është detyruar të kënaqë dëshirat seksuale të të dashurit të saj, gjithashtu shqiptar, 39 vjeç, para të birit 4-vjeçar.

Ngjarja ka ndodhur në Battipaglia, provinca e Salernos, në Itali.

Gruaja, e cila jeton në një lokalitet të mbrojtur, ka bërë të ditura para gjykatësit detajet e dhunës dhe kërcënimet e marrjes së fëmijës. Fillimisht ishte menduar të pyetej edhe fëmija, që është vetëm katër vjeç.

Gjendja emotive bëri që të mos i bëhej asnjë pyetje.

E dhunuara tregoi periudhën e ankthshme që ka kaluar gjatë bashkëjetesës me 39-vjeçarin, nënshtrimin dhe poshtërimet e pësuara. I akuzuari ishte i pranishëm gjatë marrjes në pyetje, bashkë me avokatin e tij mbrojtës.

Arrestimi u krye në korrik nga karabinierët e kompanisë së Battipaglias, pas denoncimit të gruas, ardhur në kulmin e akteve të dhunës.

Burri u mbrojt duke theksuar se ka pasur gjithmonë marrëdhënie të afërt me fëmijën.