Patozi: Prej gafave të Bashës, PD sot më keq se para 20 viteve

Ish-kreu i Grupit të PD-së, Astrit Patozi ka folur pas homazheve të zhvilluara për 20-vjetorin e vrasjes së Azem Hajdarit.

Patozi ka sqaruar praninë e tij në këtë aktivitet përkujtimor, teksa ka thënë se ai ka marrë pjesë për të respektuar historinë e PD-së dhe jo partinë personale të Lulzim Bashës.

Ish deputeti i PD-së, ka theksuar më tej se Partia Demokratike është sot më keq se 20 vite më parë, për shkak të gafave të rënda të Lulzim Bashës.

“Ne sot jemi më keq se përpara 20 vjetësh, jo thjeshtë në numra, por mbi të gjitha në frymë dhe në atë që po bën opozita dhe atë që përfaqëson sot Partia Demokratike e Lulzim Bashës. Sepse në atë kohë Partia Demokratike ishte në vështirësi e agresuar nga kundërshtari politik, i cili kishte realizuar një gjysmë revolucioni për të ardhur në pushtet, kurse sot Partia Demokratike është në këtë gjendje për shkak të lidershipit të gabuar dhe për shkak të gafave të rënda dhe keqmenaxhimit të Lulzim Bashës, por edhe lidershipit të tij” ka thënë Patozi.

Bode-Patozi-Cara

Deklarata e Astrit Patozit

Ardhja ime nuk ka asnjë lidhje me Lulzim Bashën dhe as me partinë personale të tij. Unë kam ardhur sot të respektoj në radhë të parë historinë e Partisë Demokratike dhe po ashtu historinë e Shqipërisë, sepse vepra dhe vdekja e Azem Hajdarit janë lidhje me historinë moderne të vendit.

Sot është një ditë për të kujtuar dhe për të reflektuar të gjithë si shqiptarë, por mbi të gjitha si demokratë. Unë mendoj se Partia Demokratike, 20 vite pas vrasjes së Azem Hajdarit është në periudhën e vetë më të vështirë.
Ne sot jemi më keq se përpara 20 vjetësh, jo thjeshtë në numra, por mbi të gjitha në frymë dhe në atë që po bën opozita dhe atë që përfaqëson sot Partia Demokratike e Lulzim Bashës. Sepse në atë kohë Partia Demokratike ishte në vështirësi e agresuar nga kundërshtari politik, i cili kishte realizuar një gjysmë revolucioni për të ardhur në pushtet, kurse sot Partia Demokratike është në këtë gjendje për shkak të lidershipit të gabuar dhe për shkak të gafave të rënda dhe keqmenaxhimit të Lulzim Bashës, por edhe lidershipit të tij.