Tsipras: Nuk ka çështje çame dhe as diskutim për ndryshim kufijsh

German Chancellor Angela Merkel and Greek Prime Minister Alexis Tsipras arrive to speak to the media prior to talks at the Chancellery on December 16, 2016 in Berlin, Germany. The two leaders are to reportedly mainly discuss EU-related issues, including the refugee situation, EU relations to Turkey and negotiations for a reunification of Cyprus, in addition to the current Greek economic situation.

Kryeministri grek Aleksis Tsipras thotë se nuk ekziston çështja çame dhe as nuk do të diskutohet për ndryshim kufijsh me Shqipërinë.

Duke folur për një televizion në Janinë ai ka thënë se negociatat me Shqipërinë që po zhvillohen në nivel ministrash të jashtëm të dy vendeve, janë çështje të vështira, por bisedimet janë në klimë pozitive.

Sipas tij, është e qartë se, në mënyrë që Greqia të mbështesë hapjen e kapitujve të negociatave të integrimit, duhet që të kryen një sërë reformash dhe premtimesh që ka bërë qeveria shqiptare dhe se shumë nga këto premtime janë prej viti 2009.

“E kam fjalën për zonat detare nga ana e tyre, e kam fjalën për librat shkollorë dhe ndryshimin e tyre, për varrezat e ushtarëve grekë, dhe sidomos të reformave për sa i përket të drejtave të minoritetit grek. Ndërsa dëgjohen shumë zëra, disa prej tyre nuk kanë asnjë lidhje me realitetin, si për shembull pastrimi dhe mirëmbajtja e piramidave në kufirin tokësor. Disa thanë se ka të bëjë me një përcaktim të rinj të kufijve, por ky proces nuk ka asnjë lidhje me këtë gjë.

Gjithashtu disa përpiqen të fusin nga ‘dritarja’ çështjen çame. Nuk ekziston kjo çështje”, u shpreh Tsipras.

Madje ai shtoi se është për të mirën e dy vendeve që në këto tema të ketë më shumë mendjekthjelltësi, pasi sipas tij në çështje serioze kombëtare duhet të ketë informim, dakordësi dhe besim.