Presidenti Thaçi gënjen në Bruksel

Presidenti i Kosovës, Hashim Thaçi ka ripërsëritur idenë e tij për shkëmbimin e territoreve, apo siç po e quan ai “korrigjim të kufijve”. Pak minuta para se të nis takimi i Thaçit me Vuçiqin në Bruksel, ai tha se Lugina e Preshevës do t’i bashkohet Kosovës. Por, Thaçi duket se ia huqi pasi që tha pro kësaj ideje janë të gjitha institucionet në vend, shkruan Gazeta Express.

I pyetur se a do ta shtrojë çështjen e Luginës së Preshevës në Bruksel, Thaçi u tha gazetarëve se “Kosova është unike në favor të dialogut. Të gjithë, institucioni i Presidentit, Parlamenti, Qeveria, partitë politikë, shoqëria civile, mediat, janë në favor të negociatave, janë në favor të arritjes së një marrëveshjeje përfundimtare që nënkupton njohjen reciproke. Janë në favor të të demarkimit të kufirit të 430 kilometrave në mes të Kosovës dhe Serbisë, që nënkupton përfshirjen e kësaj pjese”.

Tutje, Presidenti Thaçi tha se qytetarët do të vazhdojnë të qëndrojnë nëpër shtëpitë e tyre, dhe se nuk do të ketë as luftë e as krizë refugjatës, ashtu sikurse po thuhet.

“Qytetaërt do të vazhdojnë të qëndrojnë në shtëpitë e tyre, dhe nuk do të ketë as luftë e as refugjatë ashtu sip o përmendet, apo lëvizjet e njerëzve nga kjo pjesë në atë pjesë, ata do të vazhdojnë të jetojnë në shtëpitë e tyre.

“Marrëveshja përfundimtare ka kuptim vetëm atëherë kur do të ndodhë njohja reciproke në mes Kosovës dhe Serbisë”, ka thënë ai.

Thaçi pritet të takohet me presidentin e Serbisë, Aleksandër Vuçiq, me ndërmjetësimin e shefes së politikës së jashtme të Bashkimit Evropian, Federica Mogherini për të diskutuar rrugët për një marrëveshje normalizimi ndërmjet të dyja vendeve./GazetaExpress/