Memushaj: Nuk kemi Messin dhe Ronaldon, forca jonë është grupi

Ledian Memushaj është në një formë shumë të mirë në Seria B me skaudrën e Pescarës. Mesfushori është ftuar për dy ndeshjet e para në Ligën e Konbeve, teksa në konferencën për shtyp para ndeshjeve ai ka preferuar që të mos flasë për miqësoret e humbura gjatë këtij viti.

Si ka ndikuar rikthimi te Pescara?

Kam dëshiruar të kthehem sërish aty, pasi kam kaluar një nga periudhat më të bukura të karrierës time, ndaj nuk dëgjova asnjë ofertë tjetër. Te Benevento, fillimisht luajta shumë, por pas janarit, kur kërkova edhe largimin, më lanë në stol dhe nuk është se ishte një situatë e këndshme.

Çfarë duhet të bëjmë për të përsëritur ndeshjen në Izrael?

Do të jetë ndeshje më e vështirë se në Izrael. Ne do duhet të luajmë më shumë në sulm, ata duhet të mbrohen. Ka shumë çuna të rinj që janë të fortë. S’jemi ata që ishim. Duhet të shikojmë.

Jeni dakord me rinovimin e brezave në miqësore?

Nuk duhet parë mosha, duhet të shikojmë kualitetin dhe formën. Ka kohë për djemtë e rinj. Gjëja më e rëndësishme është të shikojmë momentin.

Sa të ka munguar Kombëtarja?

Më ka munguar shumë. Nuk erdha për kartonin. U dëmtova, bëra operacionin te kavilja. Pastaj nuk erdha. Ishalla të premten bëjmë ndeshjen e mirë. Nuk i duhet vetëm Ledjani Shqipërisë, i duhen të gjithë. Nuk kemi folur me Panucçin, dje erdhëm, nuk jemi stërvitur akoma. Nuk besoj te një lojtar, pasi në radhë të parë është grupi që ka bërë diferencën. Nuk kemi Messin dhe Ronaldon, ky ekip varet nga grupi. Më vjen keq që nuk është Roshi dhe Sadiku, janë shumë të rëndësishëm.

Kemi stol për të zëvendësuar Sadikun?

Nuk jam trajner që të them a janë të rëndësishëm, por them në aspektin njerëzor.

Pescara mund të ngjitet në Serinë A?

Nuk e di mendoj për Izraelin.