Interi me kufizime në Champions, ja lojtarët që do të lihen jashtë listës

<> on January 27, 2018 in Milan, Italy.

Inter është i detyruar që të lërë jashtë listës disa lojtarë për shkak të  “Fair Play Financiar” dhe numrit të lojtarëve që kërkon UEFA në kompeticionet kontinentale.

Galiardini nuk do të mund të luajë me formacionin zikaltër në turneun elitar europian edhe pse është ndoshta i vetmi që integrohet më së miri taktikisht me një lojtar si Brozovic dhe ka një kosto të lartë blerje.

Trajneri Spalleti ka vendosur të heqë lojtarin nga Bergamo, së bashku me Zhoao Mario si dhe Dalbert. Për t’u përballur me skuadra mjaft të forta që në fazën e grupeve si Barcelona, Totenhem dhe PSV Eind’hoven, Inter do të ketë në dispozicion 20 futbollistë.

Sipas direktivave të UEFA-s, listat e klubeve duhet të jenë një baraspeshë mes blerjeve dhe shitjeve të lojtarëve, krahasuar me kompeticionin paraardhës, në këtë rast Europa League e sezonit 2016-17. Candreva përfshihet në listë për shkak se nuk influencon ekonomikisht, ashtu si Borja Valero.