Mourinho ngre zërin: Jam një ndër më të mëdhenjtë në botë

Në konferencën para ndeshjes ndaj Burnleyt, ndaj të cilit Manchester pritet të luajë me formacionin e dytë, Mourinho ka ngritur zërin ndaj kritikëve të tij.

Prej kohësh, portugezi është vënë nën një rrebesh akuzash për rezultate dhe lojë aspak të kënaqshme me “Djajtë e Kuq”, duke vënë shumë në diskutim edhe të ardhshmen e tij me skuadrën angleze.

Mourinho ka reaguar ashpër ndaj kritikëve, duke thënë se është ende një trajner i madh. “Unë jam një nga trajnerët më të mëdhenj në botë. Unë jam i vetmi që kam fituar në Itali, Spanjë dhe në Angli, ndërsa dy vjet më parë kam fituar edhe Europa League”, u shpreh Mourinho.