U turpërua nga Tottenhami, drejtuesit e United vendosin për fatin e Mourinhos

Jose Mourinho është kthyer në një nga personazhet më pak të pëlqyer në “Old Trafford” që pas humbjes së djeshme turpshme 0-3 ndaj Tottenhamit. Rezultati i djeshëm vendosi disa rekorde negative që paraqesin tablonë e zymtë të krizës brenda “Djajve të Kuq”.

Por menjëherë pas përfundimit të ndeshjes së tretë të Premier League, portugezi ka marrë mbështetjen e drejtuesve të klubit. Numri  2 i Manchester United Ed Woodward i garantoi 55-vjeçarit se pronarët e United kanë besim te plotë te “The Special One”.

“Djajtë e Kuq” mbajnë vendin e 13-të në tabelë, ndërkohë që këtë të diel do të udhëtojnë për të luajtur në fushën e Burnley-it, ku objektivi i vetëm është fitorja.