U filmua duke tymosur shisha me të dashurën, Aguero rrezikon të dënohet nga City

Ylli i Manchester City, Sergio Aguero është filmuar duke tymosur shisha në shoqërinë e modeles Lola Magnin. Videoja është publikuar në rrjetin social “Instagram” nga 18-vjeçarja, e cila shfaqet duke u argëtuar me sulmuesin argjentinas.

“Trajneri Guardiola nuk i ka pritur mirë këto pamje dhe 30-vjeçari rrezikon një përballje jo të lehtë me spanjollin. Ai supozohet të jetë një sportist elite, një nga më të mirët dhe një model në fund të ditës. Aguero nuk përcolli një mesazh të mirë për fansat e tij të vegjël”, u shpreh një burim brenda Manchester City-t.