”Z.Rama timonin ta dhamë”, banorët ”kërcënojnë” me grevë urie

Banorët e Kakomes në Sarandë, sot janë në ditën e tretë të protestës, pas përplasjes me punonjësit e sigurisë të një kompanie private, e cila po ndërton një resort në atë zonë dhe nuk i lejon banorët që të hyjnë në plazhin publik. Banorët kanë treguar për mediat se duan të shkojnë te pronat e tyre dhe se plazhi është publik.

”Plazhi publik u përket të gjithëve. Duam që të na hapet rruga. Nga nesër, nëse nuk merren masa nga pushteti qendror dhe ai lokal ne do të hyjmë në grevë urie. Nivica do vazhdojë qëndresën”, u shpreh një banor i zonës për mediat.

Ata kanë vendosur edhe parulla me mesazhe të drejtpërdrejta për kryeministrin Edi Rama.