Nënë Tereza në mesin e grave me të rëndësishme të historisë botërore

“BBC History” ka zhvilluar një sondazh për 100 gratë që ndryshuan botën. Shkencëtarja Marie Curie është emri që prin në këtë listë. Ndërkaq, vendin 20 e zë nobelistja dhe shenjtorja shqiptare e krishtërimit, Nënë Tereza.

Për Nënë Terezën shkruhet: “E lindur në Shqipëri, ishte murgeshë katolike që kaloi pjesën më të madhe të jetës në Indi. Më 1950 formoi Misionaret e Bamirësisë, kuvend që tërhoqi shumë motra që dhanë betimin për dlirësi, varfëri, bindje dhe shërbim falas për më të varfrit e të varfërve. Puna që ky mision ndërmori në mbi 130 shtete, përfshinte ndihmë për njerëzit nevojtarë, varrim për ata që vdisnin, ushqyerje dhe shpërndarje ushqimesh nëpër jetimore e shkolla. Ndonëse u kritikua për kundërshtimin e abortit, puna e saj bamirëse ndryshoi jetët e shumë njerëzve më të ndjeshëm në botë”.

Lista për 20 vendet e para është si më poshtë

  1. Marie Curie
  2. Rosa Parks
  3. Emmeline Pankhurst
  4. Ada Lovelace
  5. Rosalind Franklin
  6. Margaret Thatcher
  7. Angela Burdett-Coutts
  8. Mary Wollstonecraft
  9. Florence Nightingale
  10. Marie Stopes
  11. Eleanor of Aquitaine
  12. The Virgin Mary
  13. Jane Austen
  14. Boudicca
  15. Diana, Princess of Wales
  16. Amelia Earhart
  17. Queen Victoria
  18. Josephine Butler
  19. Mary Seacole
  20. Nënë Tereza