Masa ekstreme për ruajtjen e jetës së ministrit Majko

Deputeti i PS, Pandeli Majko, duke hyre ne nje seance parlamentare, ku eshte diskutuar ne lidhje Reformen ne Drejtesi./r/n/r/nLawmaker, Pandeli Majko, during a parliamentary session.

Pas deklarimit të ministrit Majko në televizionin amerikan Foxnews se jeta e tij po rrezikohet nga shërbimi sekret iranian, pasi Majko njihet si mbështetës i hapur i Muhaxhedinëve, policia e shtetit dhe garda e Republikës kanë rritur masat e sigurisë.

Ministri Majko shoqërohet me eskortë shtesë të nivelit kryeministror. Lëvizjet e tij janë pakësuar, në det hyn i shoqëruar nga roje të gardës, ushqimin në restorante e ha pasi kontrollohet nga personel i specializuar. Mësohet se ai nuk lëviz në makinën e tij, sepse dyshohet se shërbimi sekrete iranian mund të ketë në shenjëstër makinën me të cilën lëviz. Kryeministri e ka urdhëruar të mos udhëtojë nëpër botë për punët e shumta që ka ministria e Diasporës. Edi Rama ka edhe hallin se duke ditur publikisht se Pandeli Majko e kundërshtoi për ligjin për Teatrin, dhe më pas….dyshimet mund të bien mbi kryeministrin. Ndaj ministri Majko ruhet nën masa të rrepta sigurie. Janë shtuar gjithashtu masat e sigurisë nga SHISH në rrugën ku banon ministri. Edhe ujin e pishëm në hyrje të pallatit ku banon e kontrollojnë njësi të specializuara të Ujësjellësit të bashkisë së Erion Veliajt. Kjo, pasi shërbimet sekrete iraniane janë shumë të rrezikshme.

Kryeministri Rama ka urdhëruar ministrin e brendshëm Fatmir Xhafaj, si brez i socialistëve të cilët kanë mbetur të fundit në Rilindje, se duhet të survejojë me policinë kriminale ministrin e Diasporës, pasi ka rreziqe ndaj jetës së tij. Edhe amerikanët janë të shqetsuar, sipas Foxnews.

Ja ç’tha televizioni amerikan Foxnews:

“Komplotet e regjimit iranian në Shqipëri dhe në Paris ishin të ngjashme me operacionet që ISIS kreu për të targetuar turmat e mëdha dhe për të shkaktuar dëme në një numër të madh njerëzish në të njëjtën kohë”.
Deklarata vjen nga Mohammad Mohaddessin, kryetari i Komitetit të Punëve të Jashtme të Këshillit Kombëtar të Rezistencës së Iranit, për “Fox News”.
Në artikullin me titull “Irani planifikon terror në tokën evropiane, ndërsa BE përpiqet të mbrojë regjimin nga shtyrja e sanksioneve të Trump”, publikuar këtë të enjte me autor gazetarët e Fox News, Ben Evansky e Rich Edson në bashkëpunim me “Associated Press”, shkruhet se Ministri i Diasporës Pandeli Majko, është shprehur për televizionin amerikan se, zyrtarë amerikanë i kanë thënë thënë se duhet të rrisë sigurinë pas zbulimit të një kërcënimi kundër tij.

Duke u ndaluar te “fushata e territorit të Iranit bë Europë”, në artikull shkruhet: Ka edhe shqetësime rreth pranisë së regjimit në Shqipëri, ku disidentët u thanë Fox News se ambasada iraniane po punon dhe ka dërguar nëpunës të lartë të inteligjencës. Shqipëria është e rëndësishme, sepse ishte vendi ku më shumë se 2.000 disidentë iranianë që i përkisnin Muxhahidit të Popullit të Iranit (MEK) u zhvendosën nga Iraku në 2016.

Këshilli Kombëtar i Rezistencës në Iran (NCRI) tha se regjimi donte t’i vriste ata në Irak dhe dështimi për ta bërë këtë shënoi një “pengesë të madhe” për regjimin.

Ish-kryeministri shqiptar Pandeli Majko zbuloi për Fox News se zyrtarë amerikanë i kanë thënë se duhet të rrisë sigurinë pas zbulimit të një kërcënimi kundër tij.

Teksa tha se strategjia e Iranit në rajon është “e pashembullt”, shtoi gjithashtu për Fox News: “Nuk kam frikë”.

Një zyrtar i lartë amerikan i antiterrorizmit i konfirmoi Fox News se autoritetet shqiptare arrestuan dy iranianë për akuzat e terrorit në fillim të këtij viti.

“Irani ka një histori të gjatë përgjatë 39 viteve të fundit të kryerjes dhe planifikimit të vrasjeve dhe veprimeve terroriste kundër kundërshtarëve të regjimit iranian, duke përfshirë një seri vrasjesh dhe sulmesh në vitet e fundit në vendet evropiane”, tha zyrtari.

Zyrtarët e SH.B.A.-së nuk janë treguar të ndrojtur në deklaratat lidhur me komplotet terroriste.

Sekretari i Shtetit Mike Pompeo, në një fjalim muajin e kaluar, vuri në dukje përpjekjet në Paris, si dëshmi të qëllimeve të regjimit.

“Kjo ju tregon gjithçka që duhet të dini për regjimin: Në të njëjtën kohë po përpiqen të bindin Evropën për të qëndruar në marrëveshjen bërthamore, ata po fshehin fshehurazi sulme terroriste në zemër të Evropës”, tha ai.
Mohammad Mohaddessin, kryetari i Komitetit të Punëve të Jashtme të Këshillit Kombëtar të Rezistencës së Iranit (NCRI), tha në një deklaratë për Fox News se nuk ka dyshim se komplotet vijnë nga udhëheqja e regjimit.

“Komplotet e regjimit iranian në Shqipëri dhe në Paris ishin të ngjashme me operacionet që ISIS kreu për të synuar turmat e mëdha dhe për të shkaktuar dëme në një numër të madh njerëzish në të njëjtën kohë”, tha ai në një deklaratë për Fox News.

“Këto komplote u vendosën dhe u planifikuan në një trup, i quajtur Këshilli i Lartë Kombëtar i Sigurisë. Këto komplote u miratuan nga Ali Khamenei, udhëheqësi suprem i regjimit dhe u besuan MOIS (Ministria e Inteligjencës e Republikës Islamike) për t’u kryer”.

Burimi: Foxnews