Ambasadori i SHBA në Beograd: Kosova dhe Serbia të propozojnë një zgjidhje

Ambasada amerikane po kërkon nga Kosova dhe Serbia të propozojnë vetë zgjidhje për marrëveshjen përfundimtare mes tyre.a Një gjë të tillë e ka thënë ambasadori i SHBA-së në Beograd, Kyle Scott.

Në një intervistë për gazetën serbe, “Blic” ambasadori i SHBA në Beograd, Kyle Scott theksoi se Amerika është e gatshme që të dëgjojë dhe ndihmojë negociatat për të arritur një marrëveshje.

Sipas Scott normalizimi i raporteve sa më shpejtë që të ndodhë, do t’ua hapte rrugën të dyja vendeve për anëtarësim në BE. “Normalizimi i raporteve mes Kosovës dhe Serbisë është vendimtar për stabilitetin e rajonit. Normalizimi do të hapte rrugë për të dyja vendet dhe anëtarësim në BE. SHBA mbështetë fuqishëm bisedimet mes Prishtinës dhe Beogradit”, tha Scott. Ai kërkoi nga të dy shtetet që të propozojnë opsione për zgjidhjen përfundimtare.

“Është koha që shtetet të jenë krijuese dhe fleksibil. Ata duhet të propozojnë një zgjidhje. SHBA-ja është e përgatitur të dëgjojë dhe të ndihmojë këto negociata”,- deklaroi Kyle Scott.