Kryediplomati francez, Le Drian: Europa kundër Trump

”Europa do të ngrihet kundër përpjekjeve të Donald Trumpit për të destabilizuar BE-në dhe për të penguar bashkëpunimin ndërkombëtar”,- deklaroi ministri i Jashtëm i Francës, Jean-Yves Le Drian.

Shefi i diplomacisë franceze i hoqi dorashkat në këtë deklaratë kaq të drejtpërdrejtë të tij, kur tha se presidenti amerikan nuk mund ta pranojë se ka një entitet që quhet BE.

“Trump beson vetëm në marrëdhënie konfliktuale”.

Le Drian e akuzoi presidentin amerikan edhe për përpjekje për të shkatërruar angazhimin shumëpalësh për tregtinë, luftën kundër ndryshimeve klimatike dhe kundër aktiviteteve bërthamore të Iranit.