Buffon kalon me sukses vizitat mjekësore me PSG, gati zyrtarizimi

Gianluigi Buffon ka mbërritur sot në kryeqytetin francez dhe ka kryer vizitat mjekësore. Mediat franceze raportojnë se çdo gjë ka shkuar me sukses, ndërsa tashmë pritet që legjenda italiane e portës të nënshkruajë edhe kontratën e re me klubin.

Paris Saint Germanin ndërkohë ka njoftuar se prezantimi zyrtari Buffon në klubin francez, do të bëhet ditën e hënë, kur edhe do të startojnë përgatitjet e skuadrës për sezonin e ardhshëm, nën drejtimin e trajnerit Tuchel.

Gianluigi Buffon vendosi të largohet në fund të sezonit nga Juventusi, ku kaloi 17 vite fantastike.