Marrëveshja e detit me Greqinë, Idrizi: Jam i shqetësuar, ja cila është frika ime

Kreu i PDIU-së Shpëtim Idrizi i ftuar në “Fax News” për të folur në kuadër të “Javës Çame” ka falënderuar piktorët që ishin në Çamëri dhe kishin sjellë me vetë dhe pikuarat e realizuar në vendin e të parëve të tyre.

Madje Idrizi tha se edhe piktorët ishin habitur nga bukuritë e Çamërisë.

“Duhen falenderuar 15 piktorë që kanë shkuar në zonën e Çamërisë dhe kanë qenë të befasuar nga bukuritë e Çamërisë dhe na sollën pamje nga Çamëria.

Shumë nga ato piktura na sillnin dhe shtëpitë tona ashtu siç i kishin lënë”, tha ndër të tjera Idrizi ku ka folur edhe për pelegrinazhin në Kllogjer.

“Në Kllogjer janë varrezamt monumentale. Aty për herë të parë sheh një varrezë masive ku prehen shqiptarët e Çamësise ku kupton dhe përmasat e kësaj tragjedie, 27 qershori ka të bëjë me kujtesën e historisë”, tha ai.

Ndërkohë sa i përket negociatave që po zhvillohen me Greqinë dhe marrëveshjes që pritet të nënshkruhet nga Rama dhe Cipras, Idrizi ka deklaruar se është shumë shqetësuese mungesa e transparencës nga ana e qeverisë për këto bisedime.

“Gjëja e parë që duhet thënë është që të gjithë keto negociata po zhvillohen në kushtet e mungesë së trasparencës totale dhe duke patur parasysh këtë kam frikë  se nuk po zhvillohen mbi bazën e reciprocitetit”, tha ai.

Kreu i PDIU-së theksoi se axhenda greke po avancon, ndërsa ajo shqiptare jo. Ai përmendi dhe marrëveshjen për toponimet të cilën e quajti absurde pasi kërkohet që të ndryshohet emri i vendlindjes, ndërsa si avancime të agjendës greke përmendi edhe ligjin për minoritetet deh varrezat greke.

“Marrëveshja për toponimet është absurde, është bërë për 600 pleq çam, kërkohet që të ndryshohet vendlindja. Ligji për minoritetet, e nxori Shqipërinë me 9 minoritete. Kosova ka 6.

Shqipëria i ka njohur minoritete që në kohën e mbretit Zog në zonën e Finiqit dhe Dropullit.

E treta me këtë marrëveshje është implimentimi i marrëveshjes për varrezat.

Çështja e varrezave duhet të fillonte minimalisht nga heqja e Ligjit të Luftës dhe pala shqiptare duhet të kërkonte që edhe për shqiptarët e Çamërisë të kishte një varrezë.  Ne kemi marrë vetëm vulën apostile, kërkesat ishin heqja e ligjit të luftës, marrëveshja e kufijve shtetëror dhe çështja Çame.

Interesi i Shqipërisë është të mbyllet çështja e kufijve tokësor pasi Greqia nuk e ka ratifikuar traktatin e Firences, po na çojnë drejt marrëveshjes së detit që është në interes të Greqisë. Nuk mund të thonë këta që po bëjnë marrëveshje më të mirë se ajo që ishte më parë, sovraniteti territorial nuk duhet të negociaohet”, tha Idrizi ndër të tjera.