Miliona eurot e sekuestruara, Ndreu: Se fantazon PD, s’mund të luajmë mendsh dhe ne

Deputeti i PS, Pjerin Ndreu ka folur në lidhje me sekuestrimin e milionave euro në Portin e Durrësit. I ftuar në studion e lajmeve të Ora News, Ndreu tha se politika duhet të rrijë larg këtyre çështjeve, duke lënë organet hetimore të bëjnë punën e tyre.

Ndreu: Si oficer policie më shokon kjo historia e interpretimit të menjëhershëm. Me të ndodh një ngjarje, këtu pas 5 min PD gjen autorin, zbërdhen të gjithë rrjetin imagjinar e implikuar në këtë histori.

Pyetje: Koicidenca nëse është e tillë është e jashtëzakonshme. Bëhet fjalë për një interval 4 ditës

Ndreu: Po pse mos bëj kundërargument unë dhe pse mos mendoj unë që Basha është vetë i implikuar aty.

Pyetje: Me këto të dhëna a mund të besojmë se politika është pjesë e kësaj afere?

Ndreu: Unë nuk paragjykoj asnjë çështje. Politika duhet të rrijë larg interpretimeve të tilla dhe nxjerrjen e fakteve apo marrjen përsipër të interpretimit të provave. Nuk e ka tagër, as nuk e ka mundësi dhe kulturën ta bëjë këtë gjë. Edhe me rastin e drogës menjëherë nxorën vëllain e kryeministrit, edhe në rastin e djeshëm…e kanë ndërtuar partinë në sistemin Babale.

Pyetje: Babalja është histori tjetër po flasim për Toyotat…

Ndreu: Është e njëjta llogjikë, këta marrin përsipër të interpretojnë sipas mënyrës së vetë gjithcka, në fakt nuk dinë asgjë.

Pyetje: Po thoni që është intepretim edhe ky rast?

Ndreu: Unë nuk paragjykoj rastet dhe nuk ve pikat mbi “i” për një rast që ka ndodhur, është goditur nga policia. Nuk them dot që ky është autori. PD e bën! Ne kemi bërë opozitë por asnjëherë nuk e kemi bërë këtë. Nuk ka ndodhur që të ndodhë ngjarja tani dhe ne të dalim pas një ore dhe të themi që i implikuar është ky. Kjo është një tymnajë dhe pse mos mendoj unë që kjo tymnajë ndërtohet për të mbuluar autorët e vërtetë.

Pyetje: Mund të jetë një skenar?

Ndreu: Unë nuk marr përsipër të diskutoj asnjë element të atij operacioni, fakti që jemi në një rezultat konkret kjo duhet përshëndetur.

Pyetje: Mazhoranca ka për detyrë të japë një përgjigje qoftë edhe nga ana morale votuesve.

Ndreu: Mazhoranca është serioze, se shikon ëndrra PD dhe fantazon PD nuk do luajmë mendsh dhe ne. PD atë punë ka. Organet ligjzbatuese janë aty, dhe janë të monitoruara, kanë një proces që është i monitoruar nga të huajt. Çdo rast i këtij lloji monitorohet nga partnerët. Pra të bashkëpunosh me partnerët, të realizosh një operacion dhe pastaj të thuash se ishte i implikuar filani pa zbritur Toyota nga anija kjo ndodh me opozitën tonë të famshëm, që se ku i merr dhe se ku i gjen ta thonë ata. Nese ka fakte le të shkojnë në prokurori.