CAS lë në fuqi vendimin e UEFA-s për përjashimin e Skënderbeut nga Championsi

CAS ka dhënë vendim zyrtar për klubin e Skënderbeut për pezullimin e vendimit të UEFA-s për dënimin 10-vjeçar të skuadrës korçare. Gjykata e Arbitrazhit Sportiv në Lozanë ka lënë në fuqi vendimin e UEFA-s duke përjashtuar kësisoj klubin korçar nga ky edicion i Ligës së Kampioneve. Tashmë është Kukësi që do të marrë pjesë në eleminatoret e Champions League, ndërsa në Europa League do të marrin pjesë Luftëtari, Laçi dhe Partizani.