Shtrohet në spital ish-Presidenti amerikan George Bush

Ish-Presidenti George H.W. Bush është shtruar përsëri në spital për shkak të presionit të ulet të gjakut. Zëdhënësi i Bush lajmëroi se 93-vjeçari do të qëndrojë në spital për disa ditë.

Në postimin e bërë në Twitter ai tha: “Ish- Presidenti është mirë dhe i vetëdijshëm. Ai po trajtohet në spitalin Southern Maine Health Care dhe po merr kujdesin maksimal.

Informacione të mëtejshme për shëndetin e tij do t’i japë falmilja e tij”. Kjo është hera e dytë në dy muaj që Bush shtrohet në spital.

Ai u shtrua në spital edhe ditën pas funeralit të bashkëshortes së tij, Barbara. Bush qëndroi në spital për 13 ditë për të trajtuar një infeksion.

Gruaja e tij 73-vjeçare u nda nga jeta më 17 prill, vetëm disa ditë pasi familja Bush lajmëroi se po vuante nga shëndeti dhe kishte vendosur të mos kërkonte të tjera trajtime mjekësore.

bush me gruan