Identifikohet i riu që u plagos me thikë në Durrës

Një i ri ka mbetur i plagosur me thikë ditën e sotme në Durrës.

Elvis Metaj, 20 vjeç është i riu që u plagos mesditën e sotme me thikë në Durrës. Ngjarje e rëndë ka ndodhur pranë një lavazhi në lagjen nr. 18 të qytetit.

I plagosuri është dërguar në spital në gjendje të rëndë shëndetësore ku po i nënshtrohet ndërhyrjes kirurgjikale. Ende nuk dihet autori i plagosjes dhe rrethanat në të cilat ka ndodhur ngjarja.

Policia po vijon hetimet për të identifikuar autorin dhe motivin e ngjarjes.