“Dritan Leli na gënjeu!” Banorët ngrenë zërin në këshillin bashkiak të Vlorës

Mbledhja e këshillit bashkiak të Vlorës, paraditen e sotme, u shoqërua me protestat e banorëve të Orikumit dhe të lagjes “Kushtrimi”

Brenda ambienteve të këshillit me pankarta në duar banorët e Orikumit kanë ngritur zërin për të protestuar për të drejtën e tyre për të pasur ujë dhe energji pa ndërprerje. Sipas tyre banorët kanë mungesa të theksuara.

Ndërkohë banorët e lagjes Kushtrimi kërkuan dëmshpërblimet për banesat e prishura për ndërtimin e rrugës që lidh transballkaniken me Autostradën Levan Vlorë.

Janë 28 familje që thonë se nuk kanë marrë paratë e kompensimit.

Banorët kanë në duar letra  ku shkruajne: “Dritan Leli na genjeu! Edi Rama na genjeu!”

Aktualisht mbledhja e këshillit bashkiak të Vlorës është pezulluar pasi këshilltarët e djathtë kërkojnë që të dëgjohen problemet e banorëve